السلام عليكم ورحمة الله وبركاتة <<< ردو لتاخدو 30 حسنة .
انا كيرا عضوة جديدة .
انتسبت للموقع مع امي um yasmina
اكيد الاغلب صار بيعرفها .
اليوم حطت عا راسي فكرة كانت ضائعة بشي مكان اني اعمل كيكة طبعا اتخيلتها روعة فقررت اعملها مفاجئة .
فحبيت اشاركم طريقة عمل الكيكة ولو انو شكلها غريب شوي .
طبعا طريقة التزين بترجع لالكم وللمساتكم الخاصة المهم اساس الكيكة وحشوتها.
صور النهائية للكيكة<<<<<<<< لا يغركم الشكل المهم الطعم XP .
بعرف شكلها طالع متل تاعون البيبيات مو متل الفكرة اللي براسي ابدا بس طعمتها طلعت اشي خيالي .
ملاحظة صغنطوطة: البنوتة بلتصميم هي من رسمي وهي شخصيتي كيرا ان شاء الله رح ابئى اغير شكل وقفتها بين كل ملف وملف رح ارفعهم ان شاء الله .
يلا نبدا احكو بسم الله .
طريقة العمل
الكريما :
كريما خفق سائل منحط معاها سكر ناعم طبعا هادا حسب الرغبة وذوق كل شخص انا عن نفسي حطيت شي 4 ملاعق كبيرة والقليل جدا من الفانيلا نقطة بعدين منبدا بلخفق حتى يتماسك الخليط معانا بعدين امنضيف المانجا المهروسة حتى يتكون عنا موس المانجا وبعد خفقها مع المانجا منحطها بلتلاجة الى ان يحين وقت الاستعمال .
الكيكة :
المقادير:
5 بيضات كاملين .
كوب سكر.
ثلاث ارباع كوب من الدقيق .
ربع كوب من الكاكاو " لاني بحب طعمتها يمي يمي ".
رشة فانيلا .
معلقة صغيرة برش ليمون .
ونقطتين خل " عشان ما يطلع ريحة للبيض بتعرفو ريحتو زنخة ".
الطريقة:
نضع ال 5 بيضات كاملين مع الخل ورشة الفانيلا وبرش الليمون ومنبلش الخفق بلخفاقة عا رقم 1 بحدود دقيقتين وبعدها منقوم بزيادة السرعة لاعلى حد ولما ينفش البيض منبلش نزيد السكر على دفعات منستمر بلخفق لحد ما نتاكد انو السكر ذاب تماما بحدود 7 دقائق وبعديها منتوقف عن الخفق .
منجيب الطحين والكاكاو ومننخلهم 3 مرات بعد هيك ماعاد نتستخدم الخفاقة هلا منخفق بملعقة خشبية منبدا باضافة الطحين والكاكاو المنخول على الخليط بدفعات مع الخفق برفق ولازم نحافظ على الهواء داخل الخليط .
وبعديها منقوم باحضار القالب "22 سم" لدهنو بلسمنة مع رشة طحين .
ثم نقوم بوضع خليط الكيكة داخل القالب ووضعه بلفرن على حرارة 180 "مشغل مسبق للتحماية" على الرف الاوسط بحدود 25 الى 30 ساعة حسب الفرن طبعا ومنعرف ازا استوت او لا عن طريق وضح خشبة شوي او سكينة داخلها ازا ما طلع عليها من الخليط يبقة استوت ازا طلع يعني لسة بدها كمان .
بعد اخراجها منقوم بتركها لمدة 5 دقائق وبعد ذلك نقوم بقلبها على المشبك .
التزين:
المقادير:
علبة ونص شوكولاة دانيت او اي نوع اخر
مانجا و فواكة مشكلة "علب"
موس المانجا "تم تحضيره مسبقا"
بعض المارش ميلو .
و اي نوع من انواع الزينة انا اخترت الماشروم .
شوكلاتين جالاكسي سادة.
اولا :
بعد ما تبرد الكيكة منقوم بقصها الى 3 اقسام الاول الوجه هادا للطبقة النصانية خلوه رقيق اما السمين التانين واحد تحت خلوه عريض ليتحمل والتاني فوق
منقوم بدهن الشوكولا على الطبقة الاولى " لازم تخلو سانتي واحد عل اقل بين الشوكولا والاطراف حتى ما يختلط الشوكولا والموس اللي رح نغلف الكيكة فيو "ومن ثم نضع قطع المانجو .
ثانيا:
نضيف الطبقة التانية "اللي هي الوجه" مندهن الموس ومنحط قطع الفواكة عليها .
ثالثا:
منحط اخر طبقة من الكيك تاكدو انهم مرتبين صح فوق بعض ومنقوم بدهن القالب كلو بموس المانجا .
ومن ثم نقوم ببرش الجالاكسي على الوجه ووضح المارش ميلو علة الجانب .
بعد هيك كتبت اسمي بقطع الجالكسي المتبقية وزينت الصحن بلماشوم "السوس" .
من ثم حطينا الكيكة بلتلاجة لتمسك وتربد وتتشرب منيح وبعد هيك بتصير جاهزة للاكل .
وصحتين وهنا عا قلبكم
لاتنسو الردود وازا طبقتوها ارجوني اياها