السلام عليكم ورحمة الله وبركاتة
كيف حالكم وشخباركم ان شاءالله طيبين ؟
هذا ياطويلات العمر والسلامة امس قاعدة زهقاااانة عقب ماخلصت الغدا وحوسته قعدت افكر وش اسوي فكرت اسوي حلى بس تكيسلت لان ماعندي شغالة تغسل عقبي الحوسة:06:
وفكرت وفكرت مالقيت شي قلت مالي الا اقوم اسوي كيكة عشان اتقهوى فيها المغرب
وقمت عالمطبخ ودورت اسهل كيكة مقاديرها موجودة وحوستها قليلة
لقيت ان كيكة النسكافية هي اسهل شي واسرع شي ومافيها حوسة فاستعنت عالشقاء بالله وبديت وانتوا تعالوا أبدوا معاي
اول شي جهزت المقادير وهي مثل ماتشوفون بالصورة
https://d2s63a22uzwg40.cloudfront.net/hw-uploadcenter/up/sites/up.hawaaworld.com/files/links/2a49087dd69d438ff9b9ea997dbbdf65.jpeg
5بيض ,شوي فانيلا,4فناجيل سكر,نص كاس زيت,كاس لبن,ملعقة كبيرة نسكافية,ملعقة ونص بيكنج باودر,كاسين وربع طحين
اول شي نحط البيض ونخلطه زييين وبعدين نضيف له السكر ونخلط لحد مايتماسك مع بعض ويختفي البيض
بعد كذا نبدأ نضيف باقي المقادير واحد واحد اللبن ,الزيت,النسكافيه,وأخر شي نضيف الطحين والبيكنج باودر ونخلطه زييييين ونحطه في صينيةمدهونة بزيت ومرشوشه بالطحين
وانا رشيت عليها من فوق شي اذا شفتوا الصورة يمكن تعرفونه
بس ابي من كل وحدة ترد تقولي ايش توقعت هالشي قبل ماتنزل تحت بالموضوع اوكييي
https://d2s63a22uzwg40.cloudfront.net/hw-uploadcenter/up/sites/up.hawaaworld.com/files/links/2a49087dd69d438ff9b9ea997dbbdf65.jpeg
وهذي صورة اللي حطيته
https://d2s63a22uzwg40.cloudfront.net/hw-uploadcenter/up/sites/up.hawaaworld.com/files/links/2a49087dd69d438ff9b9ea997dbbdf65.jpeg
وبعدين نحركه شوي عشان يدخل في الوسط وهذا شكله بعد ماتداخل مع الكيكة
https://d2s63a22uzwg40.cloudfront.net/hw-uploadcenter/up/sites/up.hawaaworld.com/files/links/2a49087dd69d438ff9b9ea997dbbdf65.jpeg
وبعدين ياطويلات العمر والسلامة ندخلها الفرن تقريبا نص ساعة وبعدين نحمرها من فوق ونتركها تبرد وبعدين نقلبها ونحط عليها النستلة البيتي https://d2s63a22uzwg40.cloudfront.net/hw-uploadcenter/up/sites/up.hawaaworld.com/files/links/2a49087dd69d438ff9b9ea997dbbdf65.jpeg
(انا اسوي النستلة بالبيت علمتني عليه بنت خالتي جمجم الله يجزاها خير وهو عبارة عن 3بيالات حليب نيدو ,بيالتين سكر بودرة ,بيالة موية ونخلطهم مع بعض وانا اضيف عليه فانيلا شوي او هيل او شوكولاتة تغيير بطعم النيدو او حبتين كيري)
ونشرب الكيكة بالنستله والمفروض فوق النستلة هيرشي بس ماعندي حطيت دبس تمر وطلع الطعم واااااااو
https://d2s63a22uzwg40.cloudfront.net/hw-uploadcenter/up/sites/up.hawaaworld.com/files/links/2a49087dd69d438ff9b9ea997dbbdf65.jpeg
وبس وعليكم بالعافية https://d2s63a22uzwg40.cloudfront.net/hw-uploadcenter/up/sites/up.hawaaworld.com/files/links/1e108e4743f910a49a28dcb4dc6e13ad.jpeg
وعلى فكرة هذي صورة اللي حطيته عالكيكة وترى له سالفه يعني مو شطارة ههههههhttps://d2s63a22uzwg40.cloudfront.net/hw-uploadcenter/up/sites/up.hawaaworld.com/files/links/2a49087dd69d438ff9b9ea997dbbdf65.jpeg
سالفته يالحلوات ان عيالي يحبون كورن فليكس الكاكاو واذا جابلهم ابوهم هذا النوع ياكلون الكور الصغيرة بس والكبيرة ماياكلونها فقمت وحطيتها عالكيكة الحلوة
ولاتحسبون ان كيكتي احترقت لالالا بس ان الطحين اللي استخدمته لابر ولا ابيض اللي يجي بالاكياس الكبيرة وبس
وهذا احلى صحن لاول وحدة تردhttps://d2s63a22uzwg40.cloudfront.net/hw-uploadcenter/up/sites/up.hawaaworld.com/files/links/2a49087dd69d438ff9b9ea997dbbdf65.jpeg
ومعليش ياحلوات مع اني ماحب الصور بطريقة الروابط الا اني مظطرة احط الروابط لان الصور مو راضية تطلع معليش بغلبكم شوي تقرون وتفتحون
اذا عجبكم طبقي ادعولي اتوظف المفاضلة يوم السبت الجاي
بنت فايزة @bnt_fayz
عضوة فعالة
يلزم عليك تسجيل الدخول أولًا لكتابة تعليق.
امل932
•
يعطيك العافيه . وتسلم الايادي. بصراحة فرحت بموضوعك لان عندى مثل الكورن فليكس هذا كرتونين جديده ويناتي مااكلوه ومو عارفه ايش اسوي فيه . في انتظار تعديل الموضوع وتسلم الايادي مره ثانيه
الصفحة الأخيرة
اعتذر ومنكم السموحة :icon33: