كيكة وهمية سريعة ولذيذة تاكليها بعد 35 دقيقة فقط

السلام عليكم أخواتى
عندى لكم طريقة عمل كيكة لكن وهمة وسريعة جدا جدا بتاخد منى تحضير وتسوية وبداية أكل 35 دقيقة :cook::) كلوها وادعوا لوالدتى :) فهى صاحبة الاختراع ده
المقادير
3 بيضات
1 كوب سكر (ممكن كوب وربع للى بيحب حاجة حلوة أوى)
1 كوب لبن (حليب)
معلقة كبيرة بيكنج بودر
فانيليا
2 كوب دقيق
2 معلقة زيت
2 معلقة كاكاو غير محلى (أختيارى) وعليهم معلقة سكر

الطريقة
تسخين الفرن على درجة مناسبة من فوق وتحت (حتى الشواية من فوق بس تكون على درجة منخفضة )
نضع كل المقادير فى الخلاط ماعدا الدقيق ونخفقهم لمدة 2 دقيقة
ثم نضع الخليط فى وعاء ونضيف الدقيق تدريجيا مع التقليب الى ان ينتهى مقدار الدقيق
(فى بعض الاحيان نحتاج 2 كوب الا ربع دقيق لتكون هشة أكتر)
ونحضر صينية وندهنها بالزيت حتى الجوانب ونضع 3/4 الخليط فى الصينية
ونضع الكاكاو على ربع الخليط الباقى ونقابه جيدا ونضعه فوق الخليط السابق بطريقة عشوائية
حتى يتداخل اللونين ونضعها فى الفرن بعد 5 او 7 دقائق نطفى الشواية ونتركها كمان 5 دقائق ولما ترتفع ويغمق الوجه نختبرها بغرز سكينة من المنتصف ومن الجوانب اذا طلعت السكينة نظيفة تكون قد نضجت اما اذا كان هناك عجين نضعها فى الفرن قليلا مع المتابعة حتى لا تحترق
وبالهناااااااااااااااااااااااااااااااااااااااا