هاي كيكتين من ادي وادين بناتي بشهوا كتير والحشو فواكه وكريمة وازكى من الموجودين في المحلات,,,,
كيكة اسفنجية بكريمة:
اول شي بنجيب صينيتين نفس الحجم عشان بدنا نعمل كيكة بيضة والتانية كاكاو ..
مقادير الكيكة البيضة:
5 بيضات
كوب طحين
3|4 كوب سكر ناعم
ربع كوب نشا
ملعقه كبيره بس ممسوحه بيكنج باودر
ملعقه كبيره ممسوحه فانيليا
نخلط المقادير الجافة مع بعض
نخلط البيض جيدا ونضيف عليه المقادير الجافة شوي شوي مع التحريك ..
وديرها بصينية مدهونة طيحن وزيت
مقادير كيكة الكاكاو:
5 بيضات
3|4 كوب طحين
3|4 كوب سكر ناعم
ربع كوب نشا
ملعقة كبيرة ممسوحة بيكنج باودر
ملعقة كبيرة ممسوحة فانيلا
ربع كوب كاكاو بودرة
نخلط المقادير الجافة مع بعض ونخلط البيضة ونضيف المقادير على البيض شوي شوي مع التحريك كوب كاكاو بودرة...
نديرها في صينية مدهونة بالزيت وطحين
نحمي الفرن على درجة180 ثم نضع الكيك بالفرن حتى تنخبز جيدا ...
نتركهم يبردو على جنب ...
وفي وقت الكيك بنخبز بنعمل الكريمة
الكريمة:
4 كوب حليب سائل
4 ملاعق كبيرة طحين
4 بيضات
8ملاعق كبيرة سكر
2ملعقة صغيرة فانيلا
نخلطهم بالمولينكس حتى ينخلطو تماما ..بعدين نحطهم على النار مع التحريك حتى تصير متل المهلبية ..
ونتركو يبرد كتير
نقسم كل كيكة من النص بعدين بنشيل من الكيكة كمية مناسبة لتزيين الكيكة من الخارج وبنفتفتو
نضع اول طبقة كيكة البيضة نضع كريمة ونضع طبقة تانية كاكاو وبعدين كيكة بيضة وكريمة وفواكة مقطعة بعدين نضع آخر طبقة كاكاو وهيك نضع كريمة حولين الكيكة من برة بعدين نلصق الكيك الي فتفتناه ...
حولين الكيكة ونزينها متل ما بدنا ::::
الكيكة التانية نفس الشي بس كلها كاكاو وزينت وجهها بكيك مفتفت وسكر مطحون وحطيت على الفراولة سكر لمدة ربع ساعة .. وزينت الكيكة فيها ..
وصحتين وعافية ...
ومتل ما انتو شايفين عملت كيكة طبقيتين ابيض وكاكاو وكيكة تانية كاكاو لحالو والتنتين بشهو كتير
ان شاء الله تعجبكو...
هاي الكيكة طبقة كاكاو وطبقة بيضة
وهاي الكيكة بس كاكاو
تسلم يدك و ايادي بناتك