ماشاء الله تبارك الله
اهلين وسهلين ومرحبتين بعد تبون اكثر من جذي تراحيب أكيد تستاهلون يا عضوات ومشرفات
وأداريات عالم حواء000سمعتوا عن كيكه ينقال لها الكيكه الفلبينيه ؟؟؟؟؟؟؟؟
أنا سمعت وحبيت أطبقها وأقول لكم النتيجه مو جني هذرت وايد معليش سامحوني بغيت أوسع صدري وياكم
لمراد حياكم معاي وشوفوا المقادير والطريقه ومسامحه صورت بس الطبق بعد ما أستوى
المقادير
2 بيضه
1 ك سكر
1/2 ك زيت
1و1/2ك طحين
1ملعقه صغيره فانيليا
1ملعقه أكل بيكنج باودر
1/2ك حليب سائل
4حبات جبن كيري
الطريقه
- نخفق البيض ونضيف اليه السكر والفانيليا ثم الزيت
- نضيف الجبن والحليب السائل مع استمرار الخفق
- نضيف اليه الطحين والبيكنج باودر الى الخليط بالتدريج
- ندهن قالب البايركس ونغلفه بالطحين ونسكب العجينه وندخلها في فرن متوسط الحراره
- تم تسخينه من قبل وتترك لتنضج ويحمر لونها
- في هذه اللحظه نذوب 1/2أصبع زبده ونضيف
عليه 1علبه حليب محلى كبير
- و1علبه صغيره جبن شيدر مبشور ونخلطهم مع بعض
ونثقب الكيكه ونصب عليها
- الخلطه وهي حاره وممكن تزينيها بشوكلاته هيرشي السائل
- وهذه صوره الطبق النهائي
- وهذه بصوص الشوكلاته
وبالعافيه على قلوب الحبايب
