اولآ من لايشكر الناس لايشكر الله ,,
حبيت من خلال هالمنتدى اشكر كل اخت استفدت منه بالمطبخ .. سواء بطبخة او فكرة ,, وياكثرهن كثراااه
واليوم كنت جالسة فاضية بعد المغرب فقالي زوجي ابيك تسوين لي الكيكة اللي دايم تسوينه فقلت له من عيوني
سويت كيكة وحبيت تشوفنه وتقولن لي رأيكن يا ذويقات وانا عارفة ان اللي سويته مايجي شي عند ابداعاتكن ولكن منكم نستفيد
اول شي تسوين اي كيكة كاكاو انتي معتمدته او تسوين خليط جاهز <<
انا هنا سويت خليط العلالي بالكاكاو وبعد ما بردت الكيكة قسمته نصفين
بعدين دهنته بخليط مكون من (( 2دريم ويب + نصف قشطة + 2 ملعقة كبيرة حليب بودرة + ثلاثة ارباع كوب موية باردة + ملعقة جيلاتين مذوبة بربع مويه حارة)) خلطتهن بالخلاط بعدين اضفت لهن دموع هرشي وجالكسي سادة ذوبتهن بالمكرويف
ودهنت الكيكة من الوسط ورشيت عليه اوريو مطحون .. بعدين طبقت القطعة الثانية ودهنته من فوق و من الجوانب وزينته بحلويات الكيك .. وانتي ممكن تزينينه بأي شي تبين
اخليكن مع الصور
"]
"]
"]
"]
وهذي دموع الهرشي للي ما تعرفه
"]
اعتذر اذا الصور مو واضحة لانه تصوير جوال
عفيه حبوبات شجعني لان مثل ما قلت لكن هذا اول موضوع لي علشان اتشجع وانزل غيره
مابي تقييم ولا شكرآ ,, أبيكن تدعن ان ربي يحفظ لي ذريتي ويصلحهم ويسخر زوجي لي ويكفينا واياكم شر الحاسدين وكيد الكائدين ..
وسلامتكن يالسنافيات ,,
عــــــــــــــــــــــــــــوافي