كيكـة البريهـووووووه.......... اللـذيييييييييييييييييييذة

السلام عليكم يا بنات، هذي أول مشاركة لي بقسم الحلويات، وان شاء اللـه تجربون هذي الكيكة وتعجبكم، إذا عجبتكم أدعو لي واذا ما عجبتكم طنشوووووووووووني.... لا تصدقون عاد يا ويلكم.....:30: واتمنى انها ما تكون مكررة. ورايه على المقادير.....

المقادير: :cook:
1- 3 كوب طحين (كوب جبن كرافت الكبير)+ ملعقة طعام بيكنج بودر
2- 5 بيضات
3- 2/1 1 كوب سكر
4- 2/1 1 كوب حليب سائل
5- 2/1 1 كوب جوز هند
6- 375 جم زبدة لينـة
7- 2 ملعقة طعام بريهوه (عباره عن حبوب سودا صغيرة مرة مثل الحبة السودا بس اصغر- اسألوا امهاتكم ) هذا اسمه في الامارات .

مقادير الصلصة للوجه:
1 علبة قشطة - 2/1 علبة حليب مركز - ا ملعقة طعام زبدة وتخلط مع بعض على النار، بس طبعا بعد ما تجهزون الكيكة - جوز مفروم خشن للتزيين.

الطريقة:

1- نخفق الزبدة مع السكر جيدا وبعدين نضيف البيض بالتدريج ونكمل الخفق بالخلاط
2- بعدين نضيف جوز الهند ونكمل الخفق، ونضيف الطحين بالتناوب مع الحليب لين ينتهي المقدار (انا احيانا ما اضيف الحليب كله، يعني انت وذوقج، هي في كل الحالات تطلع حلوة)
3- بعد ما نخلص من الخفق نضيف حبوب البريهوه ونخفق شي بسيط بس علشان تختلط الحبوب مع العجينة.
4- تدهنين صينية فرن بالزيت او الزبدة وتصبين الخليط وتدخلين الصينية الفرن لين تستوي الكيكة. بس اتحملوا تفتحون الفرن قبل ساعة الا ربع والا بتخترب الكيكة وبتهبط هبوط اضطراري مثل الطيارة...... كيفكم لا تقولون ما خبرتينا!!!!!!!
5-عقب ما تطلعين الكيكة من الفرن جهزي الصلصة وصبيها وهي حارة على الكيكة وزيني الوجه بالجوز المفروم (عين الجمل).

وبالعافية على قلوبكم....صدقوني وااااااااااايد لذيذة والكل بيسأل عن طريقتها.