قبل يومين قررنـا انا وحماتي نسوي كيكة سبونج بوب لان الاطفـال يحبونه.. وهذي اول مرة نسويها .. استغرق اعدادهـا 6ساعات ونص.. صح تعبنـا بس الحمدالله ماراح تعبنا خسـارة اعجبت الكل صغير وكبير.. لكن للأسف ماصورناها خطوة بخطوة.. والسموحـة تصوير جوال ظالمهـا كثير بالطبيعة غيـر احلى
ماشـاء الله ... لا إله إلا اللـــــه ...
وهذي بعد مسووينهـا :cook:
وسلامتكمـ ..
-------
لعيونكمـ الطريقــــة ...
أولاً .. سويت كيكة شوكولاته عادية.. بهذي كلفتني علبتين وهذا نوع الكيك اللي استخدمته
سويتهم بصينيـة مستطيلة.. طبعاً استبدلت الماء بحليب والزيت حطيت زبدة (تطلع طرية ولذيذة مررررة)
ثانيـاً.. ذوبت كمية من الجالكسي مع قشطة بحمام مائي .. بعد مابردت الكيكة حشيتها بالجالكسي وبعدين غطيتها بكريمة الجالكسي..
ثالثاً.. شريت من اللولو هايبر ماركت عجينـة المرزبـان لقيتها جاهزه.. وهذا ماركتها
انتو تقدرون تاخذونهـا من اي مكان تعرفونـه ..
رابعـاً.. شريت الالوان اللي احتاجهـا من تافولا اللي هي (أصفـر - اسود - بني - احمر - وردي - اخضر - سماوي)
ولا ننسـى القطاعات على شكل دوائر وباحجــام (للعيـــن)
شرينا من اللولو معصـار icing للتحديد مل (الفمـ - العين - اللسـان) حتى الشرابـات خخخ
خامساً.. لونت عجينة المرزبـان بالالوان هذي.. وكل ماالوّن قطعة واخلص ويطلع اللون اللي ابيه الفها بقطعة بلاستك عشان مايدخلها هوا ...
سادساً.. فردنـا عجينة المرزبـان بعد مالوناها أصفـر على ورق زبدة. نص.. الى ماصارت معتدلة الى خفيفة اهم شي ماتكون خفيفة مرة ولا سميكة تكون نص ونص.. نغطي نص او ثلاث ارباع الكيكـة بسسسس
حطيناها فوق الكيكة وساويناهـا بهذي الاداة ماادري وش اسمها هع
وقطعنـا الزوائد اللي برا وعالجوانب بالسكين او قطاعـة البيتزا..
سابعـاً..
خذنا المرزبان البنيه وفردناها عشان (البنطلون) وحطيناها عالكيكة.. اذا مالزقت معاكم ذوبي شوكولاته شوي وحطيها كأنه صمغ وساووهـا بالاداة اللي فوق..
وسوينا منها القطعة اللي تحت تبع البنطلون هع سويناها على شكل مربـع مفرغ من النص
خذنا المرزبـان البيضـا وسوينا فيه القطعة اللي فوق البنيه اللي هي (التي شيرت)
وسوينا العيـن خذو اكبر قطاعـة دائريـة..
وسوينا منها اكمام التي شيرت :35: والاسنـان
المرزبـان الصفرا كمان سوينا منها خدوده شكلناها دوائـر وضغطنا بالوسط بأصبعنا الابهام
ونقطنـاها بمعصارة الايسنج الحمرا...
كمان سوينا منه اليد والرجل... اليد سويناها رول طويله واخرها ضغطنا بالابهام صارت دائرية نوعاً ما وقطناعها بالسكينه عشان الاصابع مثل ماهي واضحة
المرزبـان السودا.. سوينا منها الحزام خخخخ والبؤبؤ عيونه والرموش.. سهله مثل ماهي واضحـة
والفمـ
المرزبـان الحمرا سوينا منه اللسـان والكرفتـا
المرزبـان الاخضر سوينا منه الدوائر اللي محطوطه بشكل عشوائي..
المرزبـان السماوي .. كمان الدائرة الوسطية اللي بعيونه
والقلم الايسنج الاسود حددنـا فيه العيون والكرفتـا والفم واللسـان :)
وسلامتكمـ .. اتمنـى كلامي واضح واي سؤال انا بالخدمـــــــــــــة
مرررررر روعه وشغلك مررررررة مرتب
تسلم يدينكم