ويــارب يبلغنا صيام رمـضان ويجمعكم فيه مع من تحبون (( ابد ما توهقت بالمقدمه )) خخخ
//
وعدينا المقدمـه على خيــر :42: يالله شمــرو على يدينكم والله انها اسرع كيكـه وازبط كيكه بحياتي المطبخيه كلها
مالكم بالطويــله انا ماعندي صور الطريقه بس عندي الاخراج النهائي لاني لقيتها بأرشيف سناعتي المطبخيه رغم الفشل الفادح في بعض الامور بس هذي حاصله على مرتبة الشرف مهما اخبص وانقص وازود :icon28:لذالك نبدأ بالمقادير وبالشرح المفصـــل ...
المقادير ،،
1 كـاسه دقيق
1كـاسه سكـر ومو شرط مطحون السكر الناعم يفي بالغرض واذا كان خشن اطحنيه مافي اشكال
نص كاسه زيت
1 كـاسه حليب جـاف
وكـاسه خليها احتياط فيها مويه
2 حبه بيضه .. بس انا استخدم بيضه وحده فالي حابه بيضتين او تحط وحده عادي
شويـة فنيـلا .. وملعقه كبيـره بيكنج بودر .. ملعقه وشوي احط انا
...
الطريقــه //
نحط في زبدية الخلط .. الفنيلا والبيض والزيت والسكر ونخفق بسرعه وسط لين تمتزج المقادير ويذوب شوي السكر بما اني ما اطحنه .. واذا انتهينا وانخلط نقوم نحط الحليب على دفعات بتحسين انه صار شوي الخليط ثقيل خذي كاسة المويه الاحتياط وصبي شوي واخلطي وشوي واخلطي يعني مثلا ربع الكاسه لا تحطينها كلها وتتوهقين هذي الكاسه مو شرط كلها على حسب نظرك لثقل الخليط بس .. المهم تحطين ربع المويه مع الحليب فوق الخليط وتخلطييييين لين تحسين ان الحليب انخلط كله خذي كاسة الدقيق وحطي شوي شوي واخلطي لين تخلص الكاسه واذا حسيتي انها ثقيله مره زودي شوي مرررره المهم الخليط لايصير خفيف .. يعني خلي مقدار المويه الاضافي بالخلطه نص كاسه ولا تزودين كثير ومرات احط ربع انتي شوفي ان الخليط صار بثقل خليط الكيك بس لايصير خفيف .. يارب فهمتم علي ...
وبهالوقت وقفي خلط اذا انخلط الدقيق وروحي ولعي الفرن بدرجة حرارة 200 وسكريه وجهزي الصينيه وادهنيها زيت ورشي عليها دقيق .. وارجعي حطي فوق الخليج البيكنج بودر واخلطي شوي وحطي الخلطه بالصينيه في الفرن بالرف الوسط .. وسكري الفرن ولاتفتحينه الاب عد ربع ساعه .. اول ما تستوي وتنتفخ حمريها من فوق وبسس ..
والله مرهــ سهله .. والحلو فيها تقدرين مثلاً تزودين مقدار الدقيق تخلينه كاستين والحليب كاسه ونص وباقي المقادير زي ماهي بس الي يزيد المويه عشان راح تثقل اكثر دام زودنا دقيق ... وتقدرين تخلينه كيكـة شوكلاته اذا حطيتي مع المقادير ثلاث ملاعق او ملعقتين شوكلاته بودره ...
وتقدريــن تخلينه كيكه ذهبيه اذا حمصتي الحليب .. وبعد تخلينها تمريه اذا استبدلتي الدقيق بالدخـن .. يعني حطي كاسه دخن ونص كاسه دقيق .. ونفس الطريقه الي فوق .. واذا حطيتيها بالصينيه حطي نص الخليط ووزعي تمر وحطي النص الثاني وبنفس الطريقه حطيها بالفرن برف وسط واذا استوت حمريها من فوق
..
وهذي طرق صوص للكيكات ..
اذا كانت كيكة فنيلا ..
حطي علبة قشطه او نص علبة قشطه على حسب صينيتك اذا كبيره او وسط .. فا اذا كانت علبة قشطه حطي اثنين فناجين سكر معها وحركيهم بـتاوه برا النار وهي باقي بارده لين تحسين ان السكر انخلط مع القشطه وعلى طول حطيهم على عين وسط فوق النار وحركي بسرعه لين يبداء يذوب السكر ويغلي طفي عليه .. واقسمي الخليط بصحنين واحد زي ماهو ساده .. والثاني حطي ملعقة كاكاو بودره وحركي وحطيهم با اكياس صغيره عشان يسهل عليك توزيعهم خطوط .. وبس وزعيهم خطوط مره ابيض ومره بني وتمتعي با احلى صوص مع احلى كيكه <-- مادح نفسه
وهذي صوره جــويهـ للشكل النهائي
..
اما اذا كانت كيكـة شوكلاته .. يعني اضفتي للخليط كاكاو
بعد ما تحطينها في صينية الكيك او في الكوب كيك وزعي على سطحها حبيبات الهيرشي وبس
هذي صوره صــاروخيـهـ لعيونكم
..
اما اذا كانت الكيكه الذهبيه يعني حمصتي الحليب ..
حطي على وجهها بعد ماتطلع من الفرن نفس الطريقه الي ذكرتها فوق سكر وقشطه ووزعيها بدون ماتحطين كاكاو بودره بس السكر والقشطه اذا ذوبنهاهم على النار وتصير احلى كيكه ذهبيه وتقدرين تحطين بسكوت مجروش او مطحون فوق :icon28:
===
وهذي صور لكيكات سمول ... سويتها في يوماً ما اعتقد لعيد الحج بس الي فشل معي هي صبغة الكريمه مدري ليش ماحبيتها شريت الوان لون اورنج ولون ازرق الاورنج ما بان الا شي بسيط وطعمه غير الكريمه والازرق قلب لون نيله خخخخ ... بس الكيكه كانت روعه .. وطبعاً الكريمه دريم ويب وبس وحطيت فوقها حبات هيرشي
ومن جهه أخرى
وهذي من قـريب للتعذيب <-- واثقه
ويــالله جــربوها بأي طريقه من هالطرق ولاتنسوني من دعواتكم :26:
انا اول وحده ترد لي الحلى