(الكيكه المحشيــه)
الطريدزه والمقادير جميع ..
كيكه بتي كروكر او اي نوع موب شرط بتي كروكر بس هالنوع يجوز لي
تفتتونه اول مايطلع من الفرن بعدين تحطون عليه بياله ماء دافي وتفتفتونه زود لين يصير مثل العجينه
بعدين تجيبونه صينه الي تنفك وتبطنونها من تحت ومن على جنب بالكيك
وتحشونها بهاالشـي الرهيب
الي هــو ..
8 حبات جبن كيري
2 دريم ويب
2 كريمه كراميل
4 ملاعق حليب مجفف
4 ملاعق سكر بودره
مغلف بسكوت شاهي مطحون
بياله شاهي ماء مغلي
نخلطها مع بعض واذا تبون الخلطه تصير اثقل زيدوا البسكوت
حطوه على الكيك الي بالصينه وغطوه بباقي الكيك وواسوه فوقه و بشوويش لاتحوسون الدنيا
خلوه في الفريزر مده 3 ساعات والا في الثلاجه مده يوم كامل بليلته
وبعدين فكو الصينه وغطوه بالي تبون ..
انا دهنت الكيكه بنوتلا وزينتها بالجلاكسي المبشور بعدين هيرشي
ويطلع شكلها كذا
والطريقه الثانيه ..
انك تذوبين شكولاته خام مع شوي قشطه وتدهنين بها الكيكه وتزينينها بتوفي والا ذوليك الدوائر الصغار الظاهر اسمها ام اند امز
..والا تذوبين 6 جالكسي مع شوي زبده وتحطين فوقها فلك ..
اختاري الي تشتهين ويجوز لك
عاشقة الجنان
