امبارح كنت عند والدتي وقلت اعمل كيكه اناناس
اشتريت علبه كمبوت اناناس ب 7.25 من فتح الله
وطلعت النتيجه ماشاء الله
ندخل عالمقادير والطريقه
علبه كمبيوت اناناس
7 بيض
1.5 كوب سكر خشن ابيض
1.5 كوب دقيق جميع الاستعمالات
فانيلا
معلقه سكر اضافيه
الطريقه
نجيب صنيه كبيره وندهن سمنه خفيف ونسيحها لحد مطلع دخان
نرش معلقه السكر فالصنيه وندوبها علي نار خفيفه بس نخليي لونها ابيض مش كراميل
نضرب البيض لحد مينفش شويه ونحط الفانيلا
وبعدين نضيف السكر حبه حبه ونضرب لحد متبان علامه الشريط
ننخل الدقيق ونضيفو عالبيض والسكر ونخلطو بخفه
نرص الاناناس حلقات فوق السكر والسمنه في الصنيه
وبعدين نحط الكيك عليه
وندخلها الفرن رف وسط لمده تلت ساعه
نختبرها بعود سلاكه اسنان او بضهر عود كبريت
نسيبها تبرد شويه ونفصلها من الصنيه
ولما تبرد نقسمها نصين ونسقيها بشراب الالاناناس ونحط عليها كريمه من النص
ودا شكلها النهائي والف هنا
