المقادير
٣ بيض . نص كاس سكر . نص كاس زيت - ١٥ حبه تمر . كاس حليب . ملعقه فانيليا . ملعقه بكنج بودر . ملعقه صغيره بيكربونات الصوديوم . ملعقه قرفه مطحونه .ملعقه خل كوب ونص دقيق
الطريقه
تنقعي النمر بمويه دافيه لمده ربع او نص ساعه وتشغلي الفرن قبل الخبز بنص ساعه انا اعمله ع ٢٥٠
تنخلي الدقيق وتنخلي معه البكنج بودر والبكنج صودا مع بعض وتجيبي الخلاط تضيفي له التمر مع المويه المنقوعه وتضيفي السكر والزيت والحليب وتضربيهم بالخلاط وملعقتين كاكاو وملعقه القرفه
تجيبي مضرب الكيك تحطي البيض وتضربيهم مع الملعقه الخل والملعقه الفانيليا وتجيبي خليط التمر تضيفيه لمضرب الكيك وتضيفي الدقيق ع مراحل وتكوني مجهزه صحن الكيك انا صحني كان بايركس زجاجي مستطيل دهنته بزيت ورشيته دقيق وسكبت الخليط وع الفرن يكون حار خليت النار الي تحت ثم فوق
ملاحظات بدون كاكاو تطلع الذ انا ضفت الكاكاو عشان العيال
البكنج صودا تضاف اذا في فاكهه او تمر اما اذا كانت كيكه عاديه ماتحتاجي تضيفي البكنج صودا (بيكربونات الصوديوم) فايده البكنج صودا تخليها هشه اذا في فواكهه
انا ما اضفت بكنج صودا ماكان معي
ممكن تزيني الكيكه بالتوفي بس انا ماسويت توفي بس الي بتسوي فيها توفي لا تسوي كاكاو
وطريقه التوفي
كاس كبير سكر . ربع اصبع زبده . ربع كوب حليب . علبه قشطه
تجيبي طاسه تولعي عليها النار تحطي السكر كله مع ربع اصبع زبده وتقلبيهم مع بعض الين يصير لون السكر بني تضيفي ربع كوب حليب والقشطه كلها تضيفيها ع ملعقه ملعقه مو مره واحده وقلبيها معاهم وزيني فيها الكيكه وزيني الواجهه بتمر وممكن تمر وجوز