كيكه التمر من نستله مع اضافه بسيطه

السلام عليكم ورحمة الله

زرت صديقه من صديقات الطفوله في بيتها وكانت مسويه كيكة التمر والصراحه روووووووووعه ولذيذه .

وعطتني المقادير وعلشان اتأكد بعد دخلت موقع للنستله وكانوا حاطين فيه المقادير نفسه ..

المهم

المقادير

علبة حليب مكثف محلى انا استخدمت مره نستله ومره لونا العلبه الكبيره 395 غ

وزبده طريه 150 غ

و فانيليا

وبكينغ باودر

وطحين كوب الا ربع

وتمر كوب تقريبا .. معجون او تمر عادي منظف ومهروس

وثلاث بيضات

وملعقتين روب او زبادي ( هذه اضافه مني ) خلت الكيكه طريه وهشه


اول شي تخفقين الثلاث بيضات مع الزبده و الحليب المركز المحلى والفانيليا خفقا مبرحا :22: يعني كلما خفقتي كلما الكيكه تطرى .

وبعدين تضيفين الفانيليا و الطحين والتمر وحاولي التمر يا تكون معجون او تمر عادي بس طري ومن غير نواه و ما ننسى البكينغ باودر ونخلط المكونات لحد ما يتغير لون الخليط لبني اشوي ..


وتسخنين الفرن عدل بذمة وضمير .. وبعدين على نار هاديه لان الخليط يكون ثقيل اشويه فالنار الهاديه احسن . وما تفتحين الفرن ابدا لحد ما تستوي الكيكه .. وبالهنا والشفا

صح الصوره مو واضحه وايد بس صج الطعم لذيذ .. ولو تزيدون على الخليط المكسرات مثل الكاجو او الجوز بيطلع الطعم احلى واحلى

بس انا خففت من معجون التمر ومره خففت من الحليب المركز لان الكيكه تطلع وايد مسكره .. بس صج روعه