كيكه التمر ومادراك ماكيكه التمر

المقادير
اولا المديد عباره عن تمر كميه بكمشه اليد مع كاسين ونصف مويه نضعه على النار وعندما يغلي نرفعه من النار ونحط عليه ملقه صغيره بيكربونات الصوديوم وعندما يبرد نصفيه وناخذكاسه للكيك وكاسه للتوفي ونخليهم على جنب
مقادير الكيكه
اذا الصنيه كبيره اللي مفتوحه من النص ست بيضات او سبعه

الخلاط حق الكيك البيض مع كاسه سكر وفانيلياويخلط جيدا الى ان ينفش وبعدين نحط فنجان شاي زيت وكاسه المديد
ويخلط جيدا وبعدين نحط كاسه ونص دقيق مع ملعقه بيكينج باودرونخلطه مضبوط ونحطه في الصينيه بعد دهنها بالزيت ونحطها في الفرن على درجه حراره متوسطه الى ان تستوي ومانفتح عليها الفرن قبل نصف ساعه وتطلع ريحتها
مقادير التوفي
والكيكه في الفرن نجهز التوفي نحط كاستين سكر على النار وشويه مويه لما يصير لونه ذهبي نحط عليه كاسه المديد الباقيه ونحرك بسرعه بالمضرب اليدوي ونحط شويه فانيليا وقطعه صغيره زبده ونخلي النار هاديه الى ان يصير قوامه كثيف نرفعه عن النار ولما تبردالكيكه نقلبه في صحن التقديم ونغطيها بالتوفي كلها والزايدنحط في الفتحه اللي في النص ونزينها اما باللوز المبشور او قطع من التمر
ملاحظه
القددددر حق المديد والتوفي لازم يكون عميق علشان ماينكب وهو على النار
جربوها تراها مررررره لذيذه وتجملك قدام ضيوفك وبالعافيه على قلوبكم