كيكه الجزر

بنات هذي كيكه الجزر اتمنى تسوونها ومتاكده انها بتعجبكم

المقادير:
كوب زيت نباتي
1 و3/1 كوب سكر بني(الفاتح انتبهوا مب الغامق)
3 بيضات
كوب جوز مفروم فرم ناعم
3 اكواب جزر مبشور
كوبين ونص دقيق الخميرة(ذاتي التخمير) وارجو الالتزام بهالدقيق لان والدتي سوت الطحين العادي مع بيكنغ باودر وماضبطت معاها
2/1 ملعقه شاي بيكربونات الصودا
ملعقتين شاي قرفه مطحونه

كريمة التزيين:
30جرام زبده
80 جرام جبن كريم
ملعقه شاي بشر الليمون
1ونص كوب سكر بودرة

الطريقة
افتحي الفرن عشان يسخن في الوقت اللي تحضرين فيه الكيكه..
امزجي الزيت مع السكر والبيض لين يصير المزيج كريمي وبعدين اضيفي الجزر والجوز واخر شي ضيفي المقادير الناشفه(الطحين- القرفه- البيكنغ صودا)
اخبزيها في الفرن لمده ساعه وربع تقريبا
لما تطلعينها من الفرن خليها تبرد وبعدين حطي عليها الكريما وحطيها في الثلاجه عشان تجمد شوي الكريما لانها اول شي بتكون سائله بس بعد 10 دقايق لما تحطينها في الثلاجه راح تجمد


اتمنى انها تكون عجبتكم وتراها وايد سهله وماتاخذ وقت :angry: