:: كيكه السميد وجبن المازرويلا لمشاعل السعوديه :::وييينها

جزاج الله خير حبيبتي الغريبه ...

الصوره هي نفسها للكيكه الي ابغيها ... بس الطريقه تقصدين انها مب طريقتها ..؟؟
لاني اتذكر ان فيها جبن مازرويلا .....

تسلمين ياقلبي على المساعده ...وفي انتظار باقي الاخوات ادري فيهم مابيقصرون ..

تفضلي اختي باستااااااااااا:)

مقادير الكيكه:
4بيضات
1 كاس حليب بودره
1كاس سكر
1 كاس جوزهند
2 كاس سميد
1 علبه كبيره زبادي او 2 علبه صغيره زبادي
ثلاثة ارباع الكاس زيت
فانيلا+رشه هيل+ 1 ملعقه كبيره باكنج باودر

نخلطهم كلهم بخلاط الطماطم..وبعدين ندهن الصينيه بزيت ونرش شوية دقيق

نصب نصف الخليط وبعدين نحط الحشوه..عباره عن..

مقادير الحشوه:
1 ونص كاس ماء
3 ملاعق اكل حليب بودره
2 ملعقه اكل نشا
1 كاس جبنه مازورلا مبشوره

حطي مقادير الحشوه كلها في قدر على النار الى ان تتجانس وتثقل..

انا انصحكم انكم تتركونها شويه تبرد قبل لاتصبونها عشان لاتختلط بالكيكه..

بعد ماتحطونها فوق خليط الكيك.نجيب نصف خليط الكيك الباقي ونصبه فوق الحشوه

ندخلها الفرن لمدة ساعه تقريبا على نار هاديه..

بعد ماتنضج..نطلعها نسقيها بشيره ونقدمها..وهي حلاتها حااااااااره او دافيه..

والله جدا جدا لذيذه..جربوها وان شاء الله ربي مايفشلني معاكم..

================

والصورة حطتها الغريبة

جزاكم الله خير

مشكوره ...pasta

وشكرا للاخوات الغاليات....

استفدنا من الموضوع ...واعجبتني الطريقه لغرابه مكوناتها ..(جبنه الموزاريلا )

سبحان الله..اليوم كنت مسويتنها..وطلعت لذيييييذة:)

وكنت بحط لج الطريقة بس الأخت اميرة دبي ما قصرت:)