حبيت اشارك معكم طريقه كيكه الموز لذيذه مع اضافات من عندي
المقادير
٢ حبه بيض نص كوب زبدة بحرارة الغرفه نص كوب قشطه
كوب زبادي ثلاث ارباع كوب سكر ٢ م ك باكنج باودر فانيلا م.ص خل
ملح مقدار بسيط جدا من البيكربونات
٢ حبه موز مقطع ٢ كوب طحين
٢ ملعقه قرفه ٢ ملعقه شكولاته هيرشي
للتزين
ربع كوب حليب مركز نص كوب كريمه او قشطه
رشه كاكاو وشكولاته اختياري
الطريقه
نضرب البيض مع السكر والخل (الخل معتمد عندي بكل خلطات الكيك لانه يشيل زفره البيض)... لحد مايصير الخليط ابيض نضيف الزبده والفانيليا ونضربهم وبعدهم الزبادي (الزبادي في الكيك روعه يعطيه هشاشه) نحط القشطه وخلطهم لمده دقيقتين بعدها نضيف الموز والقرفه ونضربهم لمده دقيقه نضيف بعدهم الملح والباكنج باودر والبيكربونات مجرد رشه صغيره بس تفرق (تخلي الكيكه منفوشه وهشه مثل الاسفنجيه ونفس الشي معتمده عندي بس انتبهوا ما تكون كثيره لانها ممكن تغير طعمه وتخرب الكيكه يعني مقدارها ذره صغيره).. اخر شي الطحين ومانضرب واجد عشان تنتفش الكيكه..
جهزت الصينه وحطيت نص الخليط واضفت حبات الشكولاته وغطيتها بباقي الخليط ورشيت على الوجه باقي الشكولاته ... حطيتها في الفرن على درجه حراره ١٩٠ لمده اربعين دقيقه هنا لما طلعته وخليتها تبرد وقلبتها
جهزت الصوص مجرد خلطته فقط وزينتها
وهنا اول قطعه
والحمدلله حمدا كثيرا طيبا مباركا فيه
تسلم الايادي حبيبتي
ان شاء الله اجربها ياقمر