الله يعطيك العافية يابسورة ,اي شي يجي منك روعة وثقة انه بيكون على اصوله,طبعا ما اتكلم من فراغ انا سويت الكيكة وطعمها خطير لكن واجهتني مشكلة بسيطة ان السكر لزق في قاع الصينية يوم قلبتها ما كانت متواسية(كلمة قصيمية بحتة)عندك حل للمشكلة لا تأخرين علي,مع العلم اني منفذة التعليمات مسحت الصينية بزيت ورشيت عليها دقيق.

:27:

مررحباااا باختي بسر برحى :27:
مشكووره أختي عالكيكه ..بسيت بغيت أسألج..أنا سويتها..بس حشوجوز الهند شي امنه احترق من تحت, و يوم ييت بقص الكيكه, المنطقه اللي شوي محترقه مب راضيه تتقطع...فخربت لي شكل الكيكه شوي...أنا شو سويت...شليت المحترق و عقب صبيت عليه التوفي عشان يغطي من فوق, بس اللي متغمظه عليه إنه ثلاترباع الحشوه راحت :( و بقى تقريبا الكيك و التوفي :07:
ممكن اتقوليلي كيف أتدارك هاي المشاكل المره اليايه دام إنج دايما اتسيونها :27:
وهاي صور الكيكه...


و يزاج الله ألف خير و غفر لج ولوالديج و عيالج و أهلج :27:

مشكورررررررره

والله انا خجلنه منكم بنات اللي عندهم اي سؤال على ها الكيكه من زمان وانا
عشان انقطعت عن المنتدى فتره مدريت بس العذر والسموحه
شمس الشارقه ..شوفي ياعمري بعد ماتدهنين الصينيه بزيت كثري الطحين اللي ترشينه فوق الزيت عشان يحمي الحشوه من الاحتراق وارفعي الصينيه في الفرن عشان تستوي برحتها وماتحترق من تحت بعدين انا شايفه في الصوره جوز الهند مرشوش فوق انتي حطته يغطي اللي احترق والا شو السالفه لانه يكون مع الخلطه وبعد ماتقلبين الكيكه ترشي التوفي عليه بس .

والله يسلم كل اللي مارين من غير عدد لاني الحين مشغوله .