كيكه با بسكويت ديمه اقسم بلله روعه شكل وطعم خياااااااال

السلام عليكم هاذي اول مشاركه لي ودايم استفيد منكم ياعسولات قلت اكتب لكم
طريقه كيكه بسكوت التمر الي مرررررررررره روعه وتستحق التجربه وماراح تندمون بأذن
الله وانا سويتها وضبطت معاي من اول تجربه . نجي للطريقه والمقادير مع بعض .
1 زبادي . نص علبه الزبادي زيت . 3بيضات. فانيليا . ملعقه كبيره بكنج باودر . 4 فناجيل قهوه سكر .
تخلط جميع المقادير السابقه في الخلاط ثم تصب في صينيه ويضاف لها واحد ونص دقيق
بمقباس علبه الزبادي ثم تدخل الفرن مثل الكيك العادي حتى تستوي بعد مانخرجها
نضع في الخلاط 1 نستله كبير . 8 حبات كيري ثم نصبها على الكيكه ثم ندخلهاالفرن بس
تنشف من دون تحمير ثم نخرجها وناخذ بسكوت تمر الي يجي حبتين في الكيسه الكرتون
بخمسه ريال اكيد عرفتوه ناخذ الحبه ونقطعها بالسكين بالطول ونغرسها في في الخلطه الي
على الكيكه بالطول بشكل مرتب مع مراعاه ترك فراغات لتقطيع بعدين وطبعآ تكون الجهه المقطوعه
من تحت اذا خلاص انتهيتي تجيبين 2 كريمه . 2 ملعقه كبيره كاكو بودره . 1 كوب كبير ماء
وتحطينها في قدر على النار حتى تغلي ثم تصب على الكيكه ونتي تصبين حاولي تصبين بلملعقه على
البسكوت عشان يصير لين عند الأكل بعدها حطيها في الثلاجه لين تجمد وبعدها قطعيها وقدميها مع
القهوه بنات ترى هي سهله مره وتواجه قدام الناس هذا غير الطعم الي يهبل لا تنسوني ادعو لي
والله الله بالردود الحلوه تراني تعبت وانا اكتب وش اسوي كسوله .
المهم اي استفسار انا حاضره للحلوين .:27: