اليوم جايبه لكم كيكه بشكل جديد
الفكره نفس فكرة حلا الماركه اللي بقوالب السيلكون بس هينا سويتها بقالب كبير
1- نذوب جاكسي بحمام مائي وندهن القالب وندخله الفريزر لحد مايجمد بعدين نكرر الخطوه مره ثانيه وثالثه عشان الطبقه تكون عريضه لو سويناها مره وحده راح تتكسر معنا وحنا نطلعها
2- بعد مايجمد الجاكسي نحاول نطلعه بشويش بعد ماطلعناه نحطه بصحن على ورق زبده عشان مايلصق القالب مجوف وفاضي
3- نكون مجهزين كيكه بيتي كروكر شوكولاته ونفتتها بالخلاط مو تخلطونها مره تنعصد
ومجزين ظرفين كريم شانتي يشبه للدريم ويب نفس كرتونه بس هذا يصير قوامه غليظ ينفع لكريمة الكيك و2قشطه وظرف كريمه كرامل بودره
اول طبقه ناخذ ظرف كريم شانتي وحبه قشطه ونص ظرف الكريمه مع اثنين ملعقه كاكاو بودره ونخلطها مع بعض ونحطها كطبقه اولى
4- نحط طبقه من الكيك المفتت ونظغط عليه بالملعقه نجهز صوص عباره عن ملعقه كاكو وسكر حليب نيدو بودره وشوي حليب نستله ونخلطها مع بعض ونسقي فيها الكيكه
5- نرجع نسوي ثاني خليط الكريم شانتي وبعده خليط الكيك ونذخلها الثلاجه
للأسف قطعتها ومابعد تماسكت زين بس طعهما لذيذ نفس طعم كيكة الايسكريم
المره الجايه راح اخلي طبقة الكيك اخف من كذا لانها طلعت عريضه واخلي الكريمه برضو كذاا طبقه ويمكن اجربها بالايسكريم اكيد بتطلع لذيذه
هذا القالب اللي استخدمتهر
