كيكه زواجهـا من نــار...(لاحول ولاقوه إلا بالله)

سبحان الله وبحمده... سبحان الله العظيم



كان مقرر زواجها في بـ 29 /1 / 2010 لكن قدر الله وماشاء فعل وكانت تعشق شي اسمه ( نت ) وتقريبا يومها كله يروح بالقعده ورى هالكومبيوتر




وكانت تدخل منتدى وفتحت فيه موضوع تلبيه طلبات الاعضـاء..وكانت تلبي وتساعد الاعضاء اللي يطلبونها
في هذا الموضوع..وعلى هالحــال لمده سنتين..والاداره والاعضاء كانوا يثنون عليها..لتميزها في المنتدى





المهم هالبنت تقرر زواجها بالتاريخ المذكور
وبدت تحضر لزواجها وهي فرحانه لان اللي بيتزوجها ولد خالتها وهو شاب كل الصفاة الحلوهـ..وحضرت لكل شئ...






قرب زواجها وقبل الزواج بإسبوع فقط ..؟؟
اقعدت من النوم وهي تصارخ وتبكي بشكل هستيري وكانت الساعه (2) الصبح

وكان اصراخها عالي وع وصف اختها كان اصراخ مرعب وكأنها ( ملبوسه )

استمرت بـ الصراخ وامها وابوها واختها وزوجة اخوها يحاولون يسكتونها ويهدونها

لكنها مستمره بشكل مخيف







وهي مستمره راحت اختها وكلمت اخوها اللي كان مداوم وقالت له السالفه



وطبعا ترك شغله وجاء وهو مخترع من الوضع

لما وصل اخوها وشاف شكلها الغريب بسرعه طلع من البيت وراح لإمام المسجد وجابه للبيت..








فقرب منها وبدأ يقرأ القرأن وكانت امها ماسكتها وترش عليها من الماي اللي مقري فيه

وتغسل وجها








بعد فتره هدت البنت وبدت تبكي بحرقه
وتقول خلاص معاد ابي اتزوج خلاص

هالزواج مافيه خير لي ولكم







فـ استغرب الجميع من كلامها وقالت اختها زواجك بعد اسبوع بس

قالت ولو ماراح اتزوج سألها الامام ليه يابنتي استهدي بالله وقولي لنا شاللي خلاك

تقولين هالكلام وتتخذين هالقرار المفاجىء للجميع ...


سبحان الله وبحمده... سبحان الله العظيم

قالت








شفت شي بمنامي خلاني التخذ هالقرار

شفت اني لابسه ثوب زواجي وكنت بصالة الافراح وامشي بين الحضور



وكنت فرحانه بس كنت احس الارض اللي تحتي مو مستويه وبغيت اطيح اكثر من مره
بس كنت اتماسك قدام الناس علشان الفشله ..



وصلت الكوشه وجلست بإنتظار العريس ولما وصل وبدأ يسلم ع خواته وامه

وجاء وجلس جنبي وكنت منبهره فيه واتباهى بوجوده جنبي لانه امنية كثير من بنات الاقارب






المهم جاء وقت تقطيع الكيكه ووقفنا ننتظر الكيكه ولما جابوها العاملين عليها


كانت مغطاهـ بغطاء حلو ومبهر فقلت لاقرب الناس لي اختي وصديقاتي المقربات

انتوا بالذات بذوقكم منها تعالو جنبي






وهنيه اكشفوا عن الكيكه ولا هي كوره من نار حرارت لهبها يصلي الوجه ونوراضاءتها يعمي العيون صرخوا الناس وانا استغربت وكنت راح ابتعد عنها لكن امسكتني صديقتي وقالت تعالي قصيها ليش خايفه قلت لها بس هذي نار قالت عادي




الكيك متعدد الاشكال بس طعمه حلو ولاتنسين انك انتي اللي طلبتيها بهالشكل

قلت لها متى طلبتها وربي ماطلبتها تكون كذا

قالت إلا انتي طلبتيها وانا حذرتك من هالشكل وانتي صميتي اذونك عني





استغربت من كلام صديقتها
واخذت السكين وهي تحس انها مغصوبه قطعة اول قطعه واخذتها بيدها وكانت راح تعطيها زوجها
لاكن ماحصلته..ومالقته فاعطتها صديقتها فرفضتها
فاعطتها صديقتها الثالثه فامسكتها واحرقت يدها ورمتها





وهي تتألم ولما نظرت للي وراها لقيت طابور من الناس كلهم مادين ايديهم


فـ فرحت قالت غريبه حبوها رغم انها تحرق وبدت تقطع لهم وياخذونها وهم يتألمون من حرارتها بعدها تعبت وهي تقطع الكيكه كل مانقصت زادت مره ثانيه والطوابير







سبحان الله وبحمده ... سبحان الله العظيم






تزيد واللي يبون منها يزيدون وضلت ع هالحال ساعات طويله ومن التعب وكانت تبكي







انهكت ع الاخر وكل ماجات عيني بعين صديقتها بكيت اكثر وهي كانت تمسح دموعها




صرخت وقالت لصديقتها تعبت متى تخلص هالكيكه قالت لها تو الناس باقي كثيييير






وبدت حرارت النار تسيل مكياجها وتوسخ الفستان وكانت تعاني من التعب الشديد







وفجأه علقت النار بإيديها وبدت تصارخ وتصارخ






قال الشيخ استغفري ربك يابنتي وقومي توضئي وصلي ركعتين وان شاءالله خير


نسـأل الله التوبة النصوح

_______


اختها حست ان فيه شي هالحلم ومن الصبح ارسلت ايميل ع احد مفسرين الاحلام


وحلفته بالله انه يفسره لها بخيره وشره للضروره




وبعد فتره ارسل لها المفسر وقال خلي اختك هي اللي تروي لي ع التلفون




كلمته وروت له اللي شافته وسألها عن شاللي تسويه وقالت له كل شي عنها





قال لها فيه شي انتي تخفينه او تسوينه بالخفاء


قالت فيه شي ياشيخ انا اسويه في احد المنتديات وبصراحه كانت وحده من صديقاتي




دايما تنصحني منه بس انا احب هالشغله واحس اني ماهره فيها


قال الشيخ ايش الشغله هاذي




قالت انا مشرفه ع قسم بأحد المواقع وهالقسم يختص بتلبية طلبات الاعضاء





الخاصه بالاغاني وكنت ابدع فيه احول لهم الصيغ واسوي لهم مقاطع ومكسات







قاطعها الشيخ وقالت استغفري وتوبي هذا كان تنبيه من الله لك


الكيكه كانت عملك الغير صالح والقطع اللي ارهقتك هي صدقاتك بالذنب المشترك مع من قطعتي لهم هالمقاطع وشجعتيهم عليه واسعدتيهم في توفيره لهم وطول الطوابير وتجدد الكيكه




هو الذنب الجاري وكبره فـ شوفي كم شخص اعطيتيه طلبه وكم شخص سمعه معه وكم شخص




نقله من منتداك الى منتدياتهم وكل هذا بسببك انتي




تقول البنت انهرت وقلت شسوي ياشيخ قال توبي لله توبه نصوحه وتبرئي عن كل

مافعلتيه بهذه المنتديات





خصوصا مايخص الاغاني والمنكرات وسأل الله لي ولك الثبات

وتوبي توبي لانك ماتدرين متى الله ياخذ امانته والله يحسن خاتمتنا جميعا

ولاتنسين يبعث المرء ع مامات عليه

يبعث المرء ع مامات عليه





اللهم صلي وسلم على رسول الله
اللهم صلى على نبينــا محمد


___________


طبعا الحين تابت لكن تعاني من حاله نفسيه سيئه وتعالج
وتأجل زواجها الى اشعار اخر ( وادعوا لها الشفاء مما هي فيه ) وادعوا لها بالثبات



سبحـان الله وبحمده ...سبحان الله العظيم

منقول من صاحبه الموضوع..


ـــــــــــــــــــــــــــــــــــــــــــــــــ



بنات انتبهو من الذنوب الجاريه ..
لاتتهاونون فيهــا..انتبهو تنقلون مقاطع ونغمات للجوال
او تنزلون صور نسائيه ..ترها تنتشرفي الجوالات والمواقع وكل ماانتشرت يجيك الاثم..
فتخيل الاعداد اللي راح تشوفها او تسمعها الالف مع الوقت تصير ملايييييين..وانتو ماتدرون..
وتصير سبب في قطع الرزق..فلاتقطون رزقكم بـامور
تافهه وانتو لاتعلمون عظمه آثمها
ــــــــــــــــــــــــــــــــ




الله يحقق امانيكم ويستر عليكم ياكريم وجميع المسلمين





دعواتكم ربي يحقق مرادي..فانا في هم لايعلم به إلا الله
دعواتكم فانا في امس الحاجه لها..


اللهم اغفرلي ذنبي كله..واجعل لي حسنات جاريه وجميع المسلمين




وحلل عقد من لساني يفقهو قولي..
حسبي الله لاإله إلا هو عليه توكلت وهو رب العرش العظيم