كيكه طبقات القرفه
المقادير
كاسه دقيق
كاسه الا ربع زيت
كاسه الا ربع سكر
كاسه ماء
٣ بيضات
ملعقتين طعام بيكنج بودر
الطريقه
حطي كل المقادير السابقه في الخلاط بس اول شي السوائل واخر شي الدقيق والبيكنج بودر بالتدريج
قسمي الخليط قسمين متساويين في زبديتين
وحده منهم خليها شوكولاته وحطي عليها شوكولاته بورده او نسكويك الين ماتشوفيها صارت غامقه زي لون الشوكولاته وحطي عليها قرفه مطحونه حسب الرغبه مثلا ملعقه او ملعقتين اكل وكل ماكترتي كل ماصارت اطعم ومسك فيها طعم القرفه
والخليط التاني لاتسوي فيه شي حيكون لونو ابيض زي الفانيلا
جيبيي صينيه بايركس وادهنيها زيت وحطي نص خليط الفانيلا فيه ودخليها الفرن
دقايق الين ماتشوفيها استوت وخرجيها مو لازم تحمر
وبعدين حطي فوقها نص خليط الشوكولاته وفي الفرن
وكمان نفس الطريقه طبقه فانيلا وطبقه شوكولاته
حتصير اربعه طبقات
فانيلا شوكولاته فانيلا شوكولاته
بعدين تكوني مجهزه ٤-٥ حبات جبنه كيري او مثلثات الموجود عندك
وملعقه طعام سكر وصوص شكولاته وقرفه مطحونه حسب الرغبه كلهم في الخلاط
ممكن بدل الصوص ازا ماعندك تحطي حليب مركز وشوكولاته بودره
لمن تخرج استني شويه زي دقيقتين او خمسه دقايق وحطي الصوص فوقها بالتساوي
وازا حابه ممكن تبشري فوقها شوكولاته مبشوره فليك او جالكسي او اي شي
بس انا ماكان متوفر عندي
وبالعااااااااافيه ان شاء الله
Sosa Nanosa @sosa_nanosa_1
عضوة جديدة
يلزم عليك تسجيل الدخول أولًا لكتابة تعليق.
- ميس -
•
تسلم الايادي
الصفحة الأخيرة