كيكه على شكل ورد اممممممم لذيذ

السلام عليكم ورحمة الله وبركاته...

كيفكم خواتي..

جايبه لكم هالكيكه ان شاءالله بس تعجبكم

الطريقه ماخذتها من هالمنتدى الله يجزاها خير اللي كتبتها والله مااذكر منهي ...لكن هي كتبت مجموعة كيكات وانا اخترت هذي لأن مقاديرها متوفره عندي...
وجتني فكره اني اغير من الشكل الخارجي فسويتها في قالب الورده ..مررره طالعه حلوه..

اليكم الطريقه ..

نخفق بالخلاط: 4 بيض مع كاس سكر وملعقة صغيره فانيلا لمده لاتقل عن 5 دقائق..

ثم نضع عليها نصف كاس زيت وملعقه صغيره بشر برتقال..(يعني تبشرين برتقال بشر صغير)
ثم تضعين كاس عصير برتقال..(انا عصرت برتقاله في كاس وزدت عليها مويه )
ثم نضع بالتدريج 2 كاس دقيق (استخدمت الدقيق الكويتي)
الى ان يتكون مزيج الكيك نضع آخر شي ملعقه كبيره بكنج باودر وحركتها بالملعقه فقط بدون الخلاط..
نضعها بقالب الكيك مدهون بزيت..
طبعا القالب هذا مخلي شكلها روعه ..
تدخل الفرن تقريبا من نصف ساعه الى 40 دقيقه طبعا على حسب الفرن..
وبالعااااااااااااااااافيه..