هذي الكيكه بعض الناس يسمونها كذا وبعدين اقول لكم اسبب اللي انا عرفته ومدري هو صحيح ولا لا وهي اصلا اسمها كيكه الكراميل
سهله جدا ومقاديرها موجوده في كل بيت
اول شي نحرق مقدار من السكر ونصبه في قاع الصينيه
الخطوه الثانيه نجيب علبه كيك جاهز (بيتي كروكر)ونخلطه زي ماهو مكتوب على العلبه ونصبه فوق الكراميل
الخطوه الثالثه تحطين في زبديه 6بيضات و4 كاسات مويه و2 كاستين حليب ناشف ونص كاسه سكر وفانيليا وتخلطينها زين بالخلاط وتصبينها بشويش على الكيكه زي الصوره
الخطوه الرابعه نحط الصينيه اللي فيها الكيك في حمام مائي يعني في صينيه اكبر منها فيها مويه وندخلها الفرن
تترك في الثلاجه حوالي 6 ساعات وبعها تخرج من الثلاجه وتقلب في صينيه التقديم
بالصحه والعافيه
نسيت اقول لكم ليش سموها قدره قادر لكن انتو ما عرفتو ليش
علشان نحن نحط السكر في الصينيه وبعدين الكيك وبعدين الكراميل وبقدرة قادر ينزل الكراميل تحت الكيك
هذا اللي عرفته والله اعلم