يبتلكم كيكه يديده و لذيييييييذه...و في نفس الوقت مقاديرها قليله و بسيطه :27:
بسم الله...
المقادير:
علبة الكيك الأصفر الجاهز(Yellow cake mix)
ثلاترباع الكوب زيت
4 بيضات
علبة ساور كريم( الكريمه الحامضه)
كوب سكر بني
ملعقة كبيره جرفه
مقادير الصوص:
كوب سكر مطحون
ملعقتين كبار حليب سائل
ملعقه صغيره فانيلا
(اخلطي المقادير هاي مع بعض و شوفي غلظ الصوص إذا كان محتاج يترفع زيدي شوي حليب )
الطريقه:
سخني الفرن على درجة حرارة 165 , و ادهني قالب الكيك بطريقة المسح باليد في كل جوانب القالب من داخل و بعدين رشي الطحين و استغني عن الزياده.
اخلطي محتوى علبة خليط الكيك الجاهز ويا الزيت و البيض و الساور كريم و اخفقيهم عدل لمدة تقريبا 50 ثانيه أو إلا أن يختلطون عدل و ما يكون في الخلطه كسر صغار.
صبي نص الخلطه في قالب الكيك, واخلطي السكر البني و الجرفه و صبي هاي الخلطه على النص الأول من عيينة الكيك, و عقب صبي فوق النص الأول و خلطة السكر و الجرفه النص الثاني.
ممكن تاخذين سكينة الكيك و تجلبين من فوق الين تحت مرتين ثلاث من كذا جهة إذا تبين تعطين الكيكه شكل معين واللي بيبين عقب ما تنظا (اختياري)
دخلي القالب الفرن لمدة 45 دقيقه أو الين ما تنظا الكيكه, و عقب ما اتطلعينها من الفرن و تبردينها على الشبك لمدة عشر دقايق و تجلبينها, صبي عليها الصوص...
و هااااااااي الصور....
إن شاء الله اتكون عيبتكم الكيكه..و بالعااااااااااااافيه عليكم :D
موفقه