كيكه من اختراعي...لذييييذه و طريه(وبالصور)...

مرررحبااااا......
خواتي شحالكم شخباركم...:41:
عزيزاتي البارحه سويت كيكه حلللللوه....روحي اتفلسفت فيها (مع الإستفاده من الكيكات اللي سويتها قبل:42:) بس صدق طلعت لذييذه و تذوب في الحلج من طراوتها:23:

المقادير:
6 بيضات
قوطي صغير كامل فانيليا
2 1\2 (كاسين و نص) طحين
1 كاس سكر
قالب و ربع زبده(القالب حجم 227 جرام)
3 ملاعق كبار نيدو مذوبه في شوية ماي(تقريبا نص كاس ماي)
1ملعقه صغيره متروسه هيل
ملعقه صغيره و نص حبة السودا
1 ملعقة صغيره و خفيفه نسكافيه
1 ملعقه صغيره و خفيفه كاكاو البودره
ملعقتين كبار بيكنغ باودر

الطريقه:
ننخل الطحين مع البيكنغ باودر و انخليه على جنب.
نصب ال3 بيضات الأولى في خلاط الكيك مع الفانيليا و نص كمية السكر و نشغل الخلاط.
نضيف بالتدريج باقي البيضات مع السكر مع الإستمرار في الخفق لمدة 4 أؤ 5 دقايق إلين ما يستوي الخليط مثل الكريمه.
عقب انضيف الزبده و نستمر في الخفق الين ما يتجانس الخليط.
انضيف النيدو المذوب في الماي و نستمر في الخفق.
في النهايه انضيف الطحين المنخول ويا البيكنغ باودر و بعدها انضيف الهيل و حبة السودا و نستمر في الخلط الي ما يتجانس الخليط .
نعزل 4 أو 5 ملاعق من الخليط و نضيفلهم النسكافيه مع الكاكاو و نخلطهم بالملعقه عدل.
نصب خليط الكيك في صينية الفرن و انصب خليط النسكافيه و الكاكاو مع العيينه فوقه بالملعقه بشكل متقطع و متفرق..و عقب نستخدم الشوكه عشان انكون تموجات بنيه.
اندخل الصينية الفرن على درجة حرارة 160 مئويه لمة 25 دقيقه أو الين ما تنضج الكيكه.
عقب ما انطلعها من الفرن انخليها تبرد شويه و انقطعها و انقدمها حاااره:23:
و هاي الصور..

وبالعاااااااااافيه عليكم:23: