كيكه من اختراعي (بس خطيييييييييييييييره)

السلام عليكم ورحمة الله وبركاته
زمااااااااااااااااااااان عنكم
وزمااااااااااااااااااااااااااااان ما نزلت مواضيع
بس انشغلت بحملي ثم بولادتي ثم بالتربيه
والله يعين
كيكتي اليوم قصتها اني كنت مشتهيه حلو وبالذات يكون فيه تمر (من عشاق التمر)
فتحت دولاب المؤن وجلست اتفرج فيه وكل ما طاحت عيني على شي يناسب نزلته
وصار عندي مجموعه ممتازه من المقادير
وطلعت بهالروعه.
المقادير:
في الخلاط:
2بيض
نص علبة قشطه او قشطه صغير
فانيليا
فنجال شاي لبن
ثلاث ارباع فنجال الشاي زيت
نص فنجال شاي سكر
...................................
تخلط جيدا ثم ضعيها على تمر منزوع النوى من غير عجن (لا تعجنينه فككيه بس)
تقريبا 15 تمره
و 3 ملاعق طعام حليب مجفف
وفنجال شاي دقيق
ونص فنجال شاي سميد ناااعم (عندي ولا ادري شسوي فيه قلت يابنت حطيه وعلى الله)
وملعقة bp
..........................................
حركيهم بالملعقه ودخليها الفرن في صينيه متوسطه ومدهونه
تنضج وتتحمر بسرعه لاحظيها زين"
ولا طلعتيها سقيها حليب نستله ثلاث ارباع العلبه.
وكليها وهي حاره جنااااااااااااان
وحتى لا بردت روووووووووعه.
والله اللي بتسويها ما بتندم وفوق كذا مضمونة النجاح بإذن الله
............................
تراني اتاخر ما احط مواضيع لكن ان حطيت
جبتلكم شي سنع ويسوى.
ملاحظه(انا حطيتها بالفرن الكهرب الصغير وفتحت عليها النار الواطيه ومن فوق وتحت بنفس الوقت وكانت قمه)
اعطيت صاحبتي الطريقه وجربتها وماتت عليها ما صدقت انها من ابتكاري
وحمستني اكتبها بالمنتدى الغالي.
وانتظركم على خير:26:
وقريبآ ان شاء الله الصور