كيكه وردة الفراوله بسيطه وسهله وبالصور

بسم الله الرحمن الرحيم
السلام عليكم ورحمة الله وبركاته
أخباركم ياحلوات :27:
عساكم بخير .....مبروك علينا وعليكم الأمطار:icon28:
الحمد لله جانا خير ما نحلم فيه الله يجعلها أمطار خير وبركه إن شاء الله
ما علينا من الهذره الزايده ندخل عالموزوع
هذا الله يسلمكم صارت عندنا مناسبه فوجائيه فقلت ما يبغالها لازم أفرحهم بكيكه حلوه ولو ان ما كان عندي وقت بس ما عليه المهم البسمه على وجوه الأحباب
وكانت النتيجه هذي الكيكه<<<هنا حسيت اني بتصفق :22: طولتها صح؟؟
المقادير:
كيكه اي نوع انا استخدمت بيتي كروكر اللي يجي ابيض وأسود
كوبين ونص كريمة خفق
نص كوب سكر (مقسم ربع وربع)
ملون طعام أحمر(ممكن نستغني عنه او نحط بداله جلي الفراوله بودره)
فراوله مقطعه شرايح ومكعبات
حبة فراوله مقطعه بشكل حلو يعني مثل الصوره

نجي للطريقه:
نجهز الكيك مثل ما هو موضح على الكرتونه ويترك ليبرد
نخفق كوب وربع من كريمه الخفق مع ربع كوب سكر مع ملون الطعام الأحمر الين يشتد الخليط نظيف الفراوله المقطعه مربعات تقريبا ثلاث او أربع حبات ثم يوضع في الثلاجه لحين الإستخدام
نخفق الكميه الباقيه من الكريمه(كوب وربع مع ربع كوب سكر) من دون الملون نخليها بيضا وتوضع في الثلاجه
نجي للكيكه بعد ما تبرد نقطعها لشريحتين توضع بينها خليط الكريمه الأحمر مثل الصوره

توضع الشريحتين على بعض ونغلف الكيكه كلها بالكريمه البيضا

نمشي عليها بالشوكه بس تحسين للمظهر

نسوي عليها دمعات بالكريمه بكيس الحلواني

ذحين نبدى نرص شراح الفراوله الصوره توضح الطريقه

نكمل وفوق في النص نحط الورده اللي عملناها أول

طبعا انا حطيتلها صينيه التشيز كيك كقاعده عشان آخذ راحتي في الشغل
وممكن قبل مانرص شرايح الفراوله نغمسها إلى النصف في الكاكاو ونتركها تجمد ونرصها بس انا كنت مستعجله عشان كذا الشغل كان على الماشي زياده على اني أكتشفت ان العشا برا يعني مو في بيت فكرت في الحوسه وكنت شوي وأبطل اني اسويها بس اتوكلت على الله وسويتها
انظروني باقي صورتها في السبت جايه لا أحد يسبقني