من فترة جربت هالكيكة لام راشد من منتدىمملكة البحرين جزاها الله خير
وعجبتني جدا انا وزوجي وامي واختى
لذيذة جدا جدا جدا
ادعولي الله يسخر لي زوجي ويرزقني الذرية الصالحة الطيبة
=============================
كليتها بيت أم زوجي وعجبتني
فسويتها لي علشان آكلها
ولكم علشان تجوفونها وتجربونها
وايد لذيذة
بسم الله نبدأ
المقادير
1 كوب طحين فاخر + 4 بيضات + كوب سكر + نص كوب زيت + ملعقة دارسين + ملعقة هيل + ملعقة بيكنج بودر + قليل من الزعفران
من 10 إلى 15 حبة تمر + نص كوب دبس + نص كوب ماء
نخلط كل من ( التمر مع الدبس مع الماء ) ونضعه على النار حتى يغلي ( علشان يلين التمر انزين )
الطريقة
1-نخلط كل من ( التمر مع الدبس مع الماء ) ونضعه على النار حتى يغلي ( علشان يلين التمر انزين ) لا تنسين ترفعين نواة التمر مثلي :)))))))
2- نخلط البيض مع السكر بالخلاط الكهربائي حتى يتكون مثل الرغوة كما في الصورة ثم نضع عليه الزيت ونستمر في الخلط
3-نضع عليه خليط التمر والدبس والماء مع الاستمرار في الخفق
4- ثم الطحين
5-ثم الدارسين والهيل والبيكنج بودر والزعفران
6- نصب الخليط في بايركس الفرن ونرش عليه سمسم أو جوز حسب الرغبة
انا رشيت سمسم وحبة السودا
وهاي الشكل النهائي له
للعلم هذي صور ام راشد
انا شاء الله اسويها مرة ثانية واصورها لكم مع ان عندي صورة وحدة للكيكة اللى سويتها من قبل
