انا دايم اخذ من طبخاتكم الحلوه ولا مره شاركت بشي عاد اليوم نزل علي الحياء
وقلت لازم انزلهم طريقه حلوه وبما اني فاشله بالطبخ اتجهت الى الحلا كابدايه وان شاء الله عقبال ما اصير طباخه:cook:ماهره
مالنا بالطويله>>>>>خخخخ عقب ما مطت السالفه وطولتها قالت ما لنا بالطويله
نبدأ
المقادير الطبقه الاولى:
كيك بيتي كروكر بالشكولاته السوداء
وذي طريقتي فيه" بيضتين + كاس مويه + ربع الكاس زيت"
وانتي بكيفك اذا حابه سويه مثل ماهو مكتوب ع الكرتون
بعد ما تخبزينها فتتيها ورصيها بصينية بايركس
الطبقه الثانيه:
4 كيري +علبة قشطه + كاس بسكويت مطحون
اخلطي القشطه والجبن بالخلاط وبعدين اضيفي البسكويت واخلطي بالملعقه راح يكون ثقيل شوي
حطيه على الكيك ودخليه الثلاجه
الطبقه الثالثه والاخيره:
3 جلاكسي ساده +نصف علبة قشطه
حطي الجلاكسي في حمام مائي لحد ما يذوب وبعدين حطي القشطه وحركيه بسرعه لحد ما يتجانس تماما
وهنا بعد التحريك لما تجانس تماما
طلعي الطبق من الثلاجه وحطيه ع طول قبل لا يبرد عشان تتحكمين فيه وهو سايل
ورجعيه الثلاجه وبكذا نكون خلصنا
وطبعا تعليمات الوالده الله يخليها ويحفظها بدون تقطيع
الحلا لعزيمة مسويها اخوي لربعه بالدوام غداء وقال ابي حلا سويت له الحلى ذا وتشيز كيك بعطيكم الصوره بس الطريقه بعدين لاني والله تعبت وانا انزل الصور شغله
مشاء الله تبارك الله
شكله لذيذ وطريقة شرحك حسيته مرررره سهل سواته وسلمي لي على الوالده وقولي لها تدعي لجدتي بالعنايه المركزه الله يشفيها