كيك الفراولة المنزلي
سنه جديدة مباركة على الجميع
اليوم بنزل لكم كيا من اختراعاتي
مرة قريت في طريقة تزيين كريمة حطي دريم ويب وقشطة ومعاها ملعقة صغيرة من الجلي الفراولة ولما سويتها طلعت ريحتها خيال وطعمها اروع
المهم جلست افكر مرة بكيك يشبه كيك الفراوله لبيتي كروكر الجاهز المهم طلعت معاي هالفكرة قلت افيدكم بيها يمكن تعجبكم انا حيل اعجبتني
المهم اعذروني على الهذرة الكثيرة وبعد على الصور لانها تصوير جوال اخوي الله يحفظكم نبدا على بركة الله
المقادير
3 بيضات --- فانيليا --نصف كوب زيت -- ثلاث ارباع كوب سكر --
ملعقة ونصف باكنج بودر -- ملعقة نشأ -- 2 ملعقة كبيرة جلي فراوله --
كوب حليب سائل -- 2كوب او كوبين وثلاث ارباع دقيق كويتي
الطريقة
تخلطين البيض والفانيليا بعدين تضيفين الزيت يليها السكر وبعدين تنخلين الدقيق مع الباكنج بودر والنشأ ثم تضيفين الحليب للخليط بعدين تحطين الدقيق الين يصير معاك مثل خليط الكيك
بعدين تدهنين الصينيه بالزيت وترشين دقيق عليها وتصبين الخليط
وهنا اقرب
وندخلها الفرن من تحت الين تنضج بعدين نحمرها من فوق
وهذي صورتها
وهذي قطعة منها
اتركم في رعاية الله وحفظه
ابي اشوف ردودكم الله يحفظكم
ملحوظة هذا اسمي بنتديات ثانية
حبيت من هنا اشكر اختي اسنع عواطليه على تعليمها لي شلون انزل الصور وكمان اختي رومنسية
يسلموووو الايادي