عاملين ايه
عملت كيك اليوسفي
هو بصراحة مش انا اللي عاملاها
لكن مامتى حبيبتي هي اللي عملتها
وبجد بجد طعمها روعة
هتعجبكم جدا جدا
وسهلة جدا جدا
بالمضرب اليدوي
يعني بتعمليها بايدك
في 5 دقايق بتكون خلصت
المقادير
5 بيضات
كوب و1/2 سكر
3 أكواب الا ربع دقيق
نصف كيس بيكنج باودر
كيس فانيلا
2 ملعقة كبيرة مليانة سمن بلدي
ملعقتين كبار زيت ذره
بشر قشر يوسفي
وطبعا كوب صغيرعصير يوسفي
زي ده
هتسأليني عصرتيه ازاي
هقولك اقسمي الثمرة من النص زي كده
واعصريها في الكباية زي ما بتعملي الليمون
وطبعا بعد كده بتصفيه بالمصفى علشان البذر
الطريقة
أول حاجة اضربي السمنة والزيت مع السكر كويس جدا لحد مايكون كريمي
انزلي عليهم بالبيض والفانيلا
اضربيهم كويس
بعد كده ضيفي العصير وبشر اليوسفي
وبعدين تكوني ناخلة الدقيق مع البيكنج باودر وانزلي عليه بالتدريج وانتي بتقلبي
تكوني طبعا مشغلة الفرن من أول ما تبتدي الشغل في الكيك
خلليه على درجة حرارة عالية
ادهني الصينية بالسمنة والدقيق
صبي فيها الخليط
سبيها في الفرن على درجة حرارة عالية لمدة 10 دقايق وبعد كده هدي النار
ودي بعد مااستوت
خدت تقريبا نصف ساعة سوا
جميلة جدا جدا وهشة وطرية
ووالله ماما عملتها باديها
مش بالمضرب
وانا ماكنتش مصدقة انها هتطلع هشة وطرية وطعمة أوي كده
جربوها هتعجبكم مووووووووووووووووت
والطبق ده هدية مني ليكم
بالهنا والشفا
ماتنسونيش بالدعاء
أنا وبناتي
وماما أولنا
وانا من هنا بحب اقولها تسلم ايدك يا ماما
كانت بجد تحفة
وانا اللي خلصتها لوحدي
شكلها شهي جاري الحفظ