كيفكم ان شاء الله بخير .... دوم يا رب
يا حلوات بسألكم تعرفون الكيك اللي نسويه بمكبس التوست ايااااام زمااااان كانت الوالده الله يعطيها العافيه ويطول بعمرها ما تستغني عنه بستمرار تسويه وتتفنن
نص ابيض ونص شكولاته او فراوله او ترش عليه مكسرات او جوز هند
الله كنا نفرح فيه وحنا صغار
بس لما كبرنا نسيناه وهذي مكبس التوست اللي اقصده للي يسمونه اسم ثاني جبت صورته من قوقل
و امس سويته لابو العيال وعيالي وتقهوينا عليه وما قد شفتكم منزلينه في المنتدى قلت اصوره وتشوفونه ويمكن يعجبكم وتطبقونه
http://www.almlf.com"]https://d2s63a22uzwg40.cloudfront.net/PE/2010/12/13/09/get122010almlf_com_m3g07j0p-1.png]
الطريقه مره سهله انا اسويه بطحين الكيك الجاهز قبل ما تعجنين الكيك شغلي الكباسه وخليها تسخن واعجنيها
وفي فنجال شوي زيت وبالمنديل اغمسيه بالزيت غمسه خفيفه وامسحي الكباسه من داخل
وبعدين صبي مقدار ملعقه ونص اوملعقتين من العجينه في حدود المثلث بس ولا تعبيه علشان لما تنتفخ ما تتلزق او تطلع برا المكينه
وانا حطيت رشة مكسرات وسكري عليها 10 دقايق وبتطلع ريحتها
فكي شوي شوي واذا حستيها لازقه صكري عليها بسرعه وخليه 5 دقايق وشوفيها اذا تحمرت شيليها وحطي دفعه ثانيه بعد ما تمسحين بالزيت مع الشغل الكباسه بتسخن اكثر والكيك بيخلص معك اسرع
ان شاء الله يعجبك الكيك وتجربوه
لا تنسونا من التقيم والشكر ودعوه حلوه
طمااااااااااعه صح
