السلام عليكم ورحمة الله وبركاته
شلونكم يا بنات اليوم شخباركم
شلون الطبخات معاكم
اليوم انا سويت كيك عقيلي وهو اكله شعبيه في البحرين وروووووعه
واهلي دايم معتمدين هالكيك في الاعياد والمناسبات لانه شعبي وتقليدي والناس تحبه وتحترمه
وفي مناسبة يوم الام وليس عيد الام حبيت اهي امي الغاليه وابوي الغالي هالكيكه واهدي لامي هالمقطع
امي يا اول حب عشته في دنياي يا اول اسم تنطق شفاي طاريه انتي هوى روحي وفي عيوني الماي امي بدونك انا ما اقدر اعيش:44:
المهم هذي مقادير هالكيكه الحلوة
في الخلاط
6بيضات
كاس سكر
ثلاث ارباع كاس زيت
ملعقه ص هيل
رشه زعفران
فنجان قهوة ونص حليب نيدو
ويخلط مع بعض ثم يصب على
في زبديه
كاس ونص طحين الكويت الفاخر
ملعقه ك بيكنج بودر
ويخلط خلط يدوي ويصب في قالب الكيك ويرش عليه سمسم من فوق وثم يدخل الفرن الى ان يستوي وبالعافيه تقدرون ترشونه سكر بودرة زيي انا اليوم رشيته يطلع يجنن تفضلوا شوفوا الصور
وسلامة اهل البحرين
