كيك كراميل رهيب ..انا ما توقعت يطلع بهالشكل الحلو..ومصور

بسم الله الرحمن الرحيم

هالكيكه سالفتها سالفه !! سويت بريوش المشروم وتحسفت على الصمون اللي فرغته حرام اقطه بره ... وفكرت بالكيكه هذي عندي طريقتها من زمان بس بالتوست
بس ترددت وايد خفت ما تضبط..
والحمد لله عدت على خير وطلعت روووووعه


المقادير :
4 بيضات 1 كوب سكر فانيليا رشه هيل
4 جبن كيري 3 ملاعق كبيره زيت
تقريبا 1ونص كوب صمون او توست مطحون ناعم 1 ملعقه كبيره ب0ب0
(يطحن الصمون او التوست بعد تقطيعه بخلاط العصير بالتدريج شويه شويه )
الطريقه :
1- يخلط البيض+السكر والهيل والفانيليا بخلاط العصير جيدا 5 دقائق .
ثم يضاف الزيت +الجبن الطري +الصمون المطحون والبيكنج بودر .ويخلط جيدا
اذا كانت الخلطه خفيفه نزيد شويه طحين ( مو اكثر من ملعقتين كبار )
2- يوضع في بايركس صغير مدهون ويدخل الفرن الساخن مده 30 الى 40 دقيقه
حتى يستوي ..
3- يوضع التوفي على الكيكه وهي حاره وتترك دقيقه ثم تقطع