الله يعينج يا بارقة خير

بارقه حبيبتي
اشتري يد خروف وينب ومعاهم فصله
وسوي ذاك المجبوس السنع
وبعدين اشوي قطع اللحم في الفرن
تراج قدها وقدود اخت رجال ما شاء الله عليج

الله يجزاكم خير جميعاً على اقتراحاتكم الحلوة

أبشركم الحمد لله العزيمة كانت تمام التمام :27:

والحمد لله زوجي يقول بيضتي وجهي ورفعتي راسي (ولله الحمد والمنة)

سوّيت شوربة عدس

وسوّيت 3 كيلو لحم مع 5 أكواب رز (مكبوس) مع حشوة النخي المفلق

وسوّيت دجاجتين في الفرن مع الخضار والسماق

وسوّيت لازانيا باللحم

وسوّيت دجاج بالكريمة على طريقة مثايل95 الله يجزاها الخير

وسويت كوبين رز بالخضار (رز أبيض مع زبدة + رشة زعفران وحبة هيل) وسلقت جزر وبازلاء مثلجين بعدين سويتهم (سوتيه) بالزبدة مع الفلفل البارد (أخضر وأحمر وأصفر ... فكرة مثايل95) وحطيتهم فوق الرز وهو يتسكر

وسوّيت محشي كوسا (الكوسا عندنا تنباع مقورة جاهزة)

وشريت فلافل جاهزة وقطعت كل حبة من النص وحشيتها بالطحينية مع الروب وعصير الليمون (صوص الطراطور) + شريحة بطاطس مقلي

الله يعطيني العافية هاي كله سوّيته :D

الحمد لله جونا 10 رجاجيل وحرمة وحدة
والرجاجيل ما قصروا مسحوا الصحون (ما عدا اللازانيا ... على قولة زوجي يمكن بسبب اختلاف الثقافات :30: )

والحرمة طبعاً ما كلت شيء (كالعادة)

وكان ودّي أتفنن في اللي أحبه (الحلى) بس ما كانت عندي فرصة إني أسوّي شي
زين إني سويت شاي وقهوة (كنت ناسيتهم)

المصيبة المواعين اللي وراي :( ( آاااخ حد يطرّش لي خدامة صوبي ) :angry:
والحوسة اللي في المطبخ اللي تحتاج تنظيف وترتيب :3_2_8v:


عيدكم مبارك

وتقبل الله منا ومنكم صالح الأعمال

ما شااااااااااااااء الله عليج يا بارقة خير
أكيد بيضتي وجه زوجج .... كل هاي الشغلات
كان سويتي حلاوة الجبن الي تصير في عشر دقايق (تسوي دعاية حق أطباقها)
الله يعينج... لو عندي خدامه اندونيسية كان خليتها تسوي سحور وتطير لج
بس لا تغسلين شي الليلة.... خليه بكره

وكل عام وانتي بخير

الله يعطيج العافيه