http://forum.hawaaworld.com/showthread.php?t=1304742
السلام عليكم
شلونكم حبايبي اليوم واني افرفر لكيت شلون كاهي وكيمر من ايد اخت عراقية بس فد شي صاك
فحبيت انزله الكم
تفضلو
المطلوب
باكيت حليب ابو اللتر يكون دسم 3.9 اني استخدمت وعلبتين كريمه هم دسمه
وهايه صوره الكريمه اللي استخدمتها
العمل
جبت جدر وسطاني وحطيت بي الحليب والكريمه على نار عاليه لحد ما كام يففور
بس اني اكلب بالحليب بدون ما اتركه والجمجمه مال مركه العميقه
واشيل من الحليب واصب فوكه واكر العمليه بحيث ميطفح
تقريبا نص ساعه
بعدين حطيته على نار هادئه وعفته ساعات بحيث تكونت طبقه ثخينه ومن طفيته عفته يبرد هم ساعتين تقريبا
ومن برد على كيفي وديته بالثلاجه ويوم الثاني طلع كيمر يخبل
بس المشكله لونه اصفر بس طعمه طيب
ويمكن اللون بسبب الحليب
وطبعا سويت الكاهي من البف باستري
وسويت صمون حجري
والطريقه
كوبين طحين
بيضه
خميره خاشوكه ونص جبيره
شويه زيت
وحليب دافي
نخلط المقادير ونخمرهم ساعه ونص
ونسوي شكلهم مث الصمون الحجري مال عراق
واهم شي الفرن حار
وما ننسى استكان الجاي
والف الف عافيه
منقول لعيونكم
