اللي غيرني بعد ماكانت حياتي مع زوجي أجمل حياه واجمل عشاق انصدمت
بتغيير زوجي واتفاجأ انه له علاقة مع وحده يكلمها وخطبها وملك عليها
هذا الكلام قبل أربع سنوات وصارت بيننا مشاكل كبيرة الكل تفاجأ
الكل اندهش انه حصلت بيننا مشاكل لأن كان يضرب فينا المثل قيس وليلى
المهم استمرت مشاكلنا وكنا بننفصل لكن شاء الله ورجعنا لبعض وزوجي
وعدني اذا رجعت له ماعاد يتزوج وفعلا رجعت ووفا بوعده لكن بعدها
لم يعد زوجي اللي أعرفه قلب علي كأنه يكرهني و صار عصبي ويجرحني بالكلام
مع أنه كان مستحيل يجرحني كان يحترمني ويقدرني فتغير مرة وصار مايهتم فيني
وتارك لي فراغ كبير بسبب كثرة خروجه من البيت وحاليا اكتشفت خياناته لي دردشات
مع بنات وافعاله تسبب لي الشك اكتشفته مسجل في موقع زواج مسيار سبحان الله
كيف كان وكيف صار 😭 وأحيانا مافي أطيب منه لهذا السبب انا تغيرت.
حسبي الله ونعم الوكيل ربي يسخره لي ويألف بيننا
ربي يفرج همها ويسعدها في الدارين اللي تدعي لي 🌷

كل انسان له ضروف وحسب تربيته يتاثر . يعني فيه ناس امهم تهتم فيهم وتربيهم تربيه نضيفه بعيده عن الحقد والحسد وتنتقي لهم اصحابهم بعنايه وهم صغار ولما يكبرون يتاثرون وينصدمون بالمجتمع اللي حولهم اللي يحقد عليهم واللي يحسدهم والله يضايقهم وكذا فيصير عندهم حاله عدوانيه يعادون فيها الناس باحساسهم ان الناس تكرههم وناس تربيتهم دينيه فينصدمون لما يحتكون باللي من غير اهلهم سواء بالدوام او بالشارع او بالاجتماعات والالتزام عند الناس يتفاوت فتلقينهم ينصدمون بعضهم ينعزل وبعضهم يصير عنده وسواس وبعضهم يدللون و لا يحرمون ولا يحللون بالتربيه على قولتهم عيش يومك وطنش تعش ولما يكبرون ينصدمون بالحياة انه مب مثل والدينهم طنش تعش والا ربعهم اللي يضحكون لهم فيتخبطون لا الى هؤولاء ولا الى هؤلاء فينزوون باي طريقه تريحهم اما يختارون الشقاء او يختارون الهلاك مثل مانلاحظ صار فيه انتحار بهالزمن نسال الله العافيه . 




انا عن نفسي كنت اميل لاول ناس وصفتهم يعني عايشه حياتي ببرائته وتربيه سليمه وكبرت على كذا وانصدمت بعد ماكبرت كانت لي صديقتين من جماعتي والله كتب نتفرق بسبب الضروف والسكن المهم اضطريت بسبب الضروف اني انزل نفسي للي اصغر مني من جماعتنا وصرت معهم كاني صغيره مثلهم ويحبوني لدرجة غريبه لدرجة انهم يقولون لصاحباتهم ان عندهم اخت اسمه سارة انا خواتي كانو صغار ماكنت اشوفهم اصدقاء المهم هالبنات اللي من جماعتي كبرو وصلو للسن اللي فيه البنت تختار شخصيته وتنتقيها المهم فجاة يتغيرون علي كلهم دفعه وحده ويصيرون كلهم ربع ضدي وكاني عدوه ماكنت ادري بانفوسهم مايعرفها الا الله . 
اشوفهم يوشوشون قلت بينهم سوالف بنات صغار من عمرهم لاني اعتبر اكبر من حول عشر سنين تقريبا . فصرت اجلس مع الحريم . وحده من امهاتهم شافتني كذا قالت ليه ماقعدتي معهم قلت بينهم سوالف خاصه واسكتت . مدري وش قالت لهم المهم خلوني صمام امان بس ديكور . وسوالف اقعدي معنا ويسولفون خرابيط راودتني احلام من ربي وتتكرر علي . كان ربي بيحذرني بس ماكنت افسر على نيتي بس كنت اقوم متضايقه وخنوقه منه . يوم من اليام ربي كتب اني اسمع كلامهن عني اول ماجيت للغرفه اللي هم فيها سمعتهم بعدها انصدمت ليه يحقدون علي ويحسدوني كذا . رغم اني اعتبروهم مثل خواتي بالضبط ولا عمري تمنيت للوحده الا كل خير بالاخير صرت انزوي لا شعوريا وصرت مهمومه ليه اعامل بالطيب وبالخبث يكافؤوني ربي كتب اني اتغير بذاك الوقت وسويت لي برنامج انضم يومي بحيث ما احس بوجعهم واسال الله ان يعوضني بابرك منهم سبحانه .



نصيحة لوجه لله . 
اذا تبين تصيرين سعيده وتتغيرين نضمي وقتك 
لا تهتمين ان احد افضل منك اهم شي الذوق 
لا تنتظرين من احد مقابل معامله حسنه او حسن نيه تعاملي بخلقك مع الناس ولوجه الله 
تعامل مع الكل بسطحيه ترتاحين من قالت عنك فلانه ونقل الكلام المزور 
أذا بغيتي تفضفضين فضفضي بمنتدى وخلي الناس تواسيك احسن ومحد يعرفك منهم بس مالك الا الدعاء 
اكثرو من الاستغفار وقول لا اله الا الله وحده لا شريك له له الملك وله الحمد وهو على كل شي قدير وربك يسهلها معك باذن لله 
ومادام ربك فوقك لا تحاسبين الناس على افعالهم او اخلاقهم . 
اذا انتي لاتملكين الا الحياة البسيطة جدا عيشيها بحذافيرها لان حتى عيال الشيوخ اللي بالقصور يحبون الحياة البسيطة ودايم بالارياف بالخارج او بالبران والمخيمات بحثا عن البساطه انتي استمعي بها . اجعلي لك اجواء جميله اسمتعي الى ايات الله ينشرح صدرك وحسب حياتك عيشيها   



:)=)

الم وعشناه اسال الله رب العرش العظيم ان يسخره لك ويرده اليك ردا جميل. اسال الله لكم الثبات والهدايه ي بنات

موضوع جميل بخرج عنه شوي بس مومبعده همي ليس تغير مظهر او شخصيه راضيه عن حالي بذولا الجوانب نفسي تغيري من جانب الدين عمري راح وانا اغير ثم ارجع حاله تذبذب نفسي اثبت ولا كل الناس يصيبهم فره فتور بعدين يقوى الايمان وهكذا الايام الي فيها ذكر وقران يصير جميل هادي مريح سبحان ربي لكن الحياه وصخبها تخرق سكينه الطاعه

طبيعة الدنيآ التحول والتغيير .. لكـن التغيير الى الافضل هو الهدف الـآسمى ..

آنا بصرآحه الحمدلله والمنه كنت ومازلت محافظه على اجابياتي ،، ☺️

والسلبيات منها اتركها واحارب نفسي وآجاهد نفسي عنهاا .. 😤

وبكذآ راضيه كل الرضآ عن حياتي ولله الحمد .. الله لا يغير علي 🌸


_عن وجه أبي الذي يشٌبه الجنه عن حضن أمي الكوثري، عن لمة اشقائي الذينْ يخلقون لي السعادة أعجز عِن شكرك يَالله.🌸