اختي صدقيني الابداع موهبه من الله
يا ما فيه بنات انا الاحظهم متمكنات من التصميم والفوتوشوب او السويتش ومع هذا مافي تصاميمهم اي روح ابداع

وفيه بنات مايعرفون الكثير من الدروس ولا الاساسيات ولا الحركات مجرد شغلات بسيطه بس مع هذا مبدعات

وفيه عدد نادر مايتعدا اصابع الايد الوحده قمة بالابداع ومتمكنات من اساسيات التصميم

تصدقين مرات اقول انا ماعرف اصمم او مالي خلق لان ماعندي اي فكره لكن لما امسك الفوتوشوب احوس فيه لين اقول بس وتطلع معاي شغلات حلوه لكن عمري ماصممت ,, مادري ليش ؟ بس مزاجي مو مزاج تصاميم واقعد افكر ,, لاني مو فاضيه ومزاجي مو رايق

بس صدقيني اللي ماعندها موهبه لو تمووووووووووت ,, لو تدخل احسن دورة فوتوشوب وتتعلم على ايد احسن المحترفين مستحيل تصمم او حتى لو صممت بتحسين تصميمها ميت مافيه حياة

للاسف كل من دمجت صور وكتبت عليها كم كلمة قالت تصميم ,, واتمنى تكون نظرتنا لمفهوم التصميم اعمق من هالنظره

وللامانه انا تعجبني بنت في قسم التصميم قمة في الابداع والموهبه ,, لما اشوف تصاميمها احس انها لما تمسك اي تصميم تكون بكوكب ثاني ,, افكار خطيره ,, الله يحميها من العين
بس ماراح اقول منو

امسكي اي صوره وطالعيها مده وفكري شنو ممكن تسوين فيها واشتغلي عليها ونزلي التصميم والبنات بالقسم بيساعدونج بالتعليقات ,, مع ان فيه تعليقات تكون عباره عن مجامله ,, او اختلاف اراء

:26:

خلاصة العطر

أنا ما راح أقولك مثل ما نقرا في الكتب ها الأيام (10 خطوات لتكوني مبدعة) مثلاً..

لأن مثل ما قالت الاخت باتونيا، اللي ما عندها موهبة ما تقدر تاخذ الموهبة من الكتب أو الدروس..

بس فايدة الكتب والدروس إنها تسهل عليك طرق عمل الأشياء..

في عدة نصايح بحاول أقول اللي أذكره منها..

أولاً: حاولي تطبقين كل الدروس في القسم.. لا تقولين هذا صعب وهذا سهل.. طبقي كل اللي تقدرين

عليه وحطيه للبنات علشان تشوفين الملاحظات.. واللي ما تعرفينه اسألي عنه..

ثانياً: حوسي في النت وقت الفراغ وشوفي الشغل سواء في المواقع العربية أو الأجنبية، فكري ها

التصميم كيف سووه، وخذي أفكار منهم.. يعني ممكن تصميم يعجبك تناسق ألوانه، أو شكل الخط، أو

حركة من الحركات فيه..

ثالثاً: إياك تقولين (أنا مش مبدعة) لأن هذا يقتل أي بادرة إبداع في الإنسان.. سوي اللي تقدرين عليه

وكل شي تسوينه تراه خبره تنضاف لرصيدك..

تراني كنت مثلك، ما أعرف إلا إني أقلد اللي أشوفه، لكن مع الممارسة والتشجيع قدرت أسوي أشياء

خاصة فيني، ومع ذلك كل ما أشوف تصميم يعجبني تلاقيني أدقق فيه علشان أستفيد..

وتراني ما زلت أحاول أوصل للإبداع..

ننتظر نشوف مشاركاتك في مواضيع القسم إن شاء الله..

خلاصة العطر

اختي انا مع الاخوات باتونيا والفراشه الزرقاء في كل كلمة قالوها الله يعطيهم العافيه اعطو الموضوع حقه 0


بس لي اضافه بسيطه هي ان التصميم نوع من انواع الفن يعني الرسام مثل الشاعر بس الفرق ان الرسام يترجم

احساسه في لوح الرسم والشاعر يترجم احساسه في ابيات شعره 0 واذا قلنا كلمة فنان فأنها تعني

الاحساس ,الشعور, التعبير, الخيال الواسع ,الذوق وكلها تترجم في لوحة الفنان مثل ما قلت يعني ممكن اي شخص ما

يعرف ينسخ الة كاتبه ويدخل دوره ويتعلم بعدها يتقنها او سائق ما يعرف يسوق ويتعلم ويعرف للسواقه وغيره من

الشغلات الحرفيه بس عند الفن نتوقف ونقول الفن موهبه من عند الله وليسة حرفه ممكن لأي شخص ان يكتسبها


لذلك راح اعطيك معادله هامة وضروريه للفنان وهي :

موهبه + خيال واسع + صبر + عدم غرور + عزيمه = فنـــــــــــــــــــــــــان

اتمنى لك التوفيق ان شاء الله نشوفك فنانه قريباً