شحالكم خواتي
الصراحة أنا مكتشفة شي عجيب من تقريبا سنتين
وأنا وأمي مواضبات عليه
شي يخلي الأثاث والطاولات تلمع كأنها جديدة
وكل الآثار مختفية أقلام الرصاص والحبر وكل شي
والله مفعولة عجيب..:42:
تعرفون كيف عرفت عنه..
كنت أشوف الشغالات في المدرسة أثناء تدريبي
في نهاية اليوم الدراسي يستخدمونه وأشوف طاولات بنات أول تلمع
تخيلوا بنات أول ابتدائي شو يسوون في الطاولات
يوم ني الصبح كأنها جديدة ولا توجد شخبطة وحدة
كنت أقول يحليلهن يتعبن يمسكن المساحة ويشتغلن :angry:
حليلي كنت على نياتي
بعدين اكتشفت اللي عندهن وسألتهن هذا حق شو
قالت ينظف ويلمع
وطيران على السوق واشتريته وطبقت في البيت وتم كل شي يلمع:icon28:
أدري أقرقر وااايد بس بحط صورته قبل ما تكفخوني:024:
تحصلينه في كارفور أو الجمعية أو السفير في أنواع وااايد بس هذا اللي أستخدمه لأنه يعطي
أكثر لمعان
وفيه منه روايح مختلفة
وسعرة بسيط على النتايج الباهرة يعني تقربا 9 دراهم
ييلا يا حلوات وسنعات سيرن الجمعية أول الشهر الحين وخذن منه 2
قلت يمكن فكرة تستفيدون منها مثل ما استفدت من أفكاركم