هذي بعض النصايح جمعتها من موقع اجنبي :27:
على اساس كيف تخسرون انشــات من حوالين البطن و الارداف
بأسرع وقت ممكن ........ و انا نفسي ببدأ اخذهم بعين الأعتبار
1- كالعادة و المعروف نشرب 8 اكواب من الماء يوميا
و تناول طعام متوازن يحتوي على جميع الأربع الأصناف إلي في الهرم الغذائي
فاهمين وش الفرق بين اكل طعام متوازن ؟ وبين انك تسوين رجيم ؟
الرجيم بتقعدين فترة علية ومجرد ما تنحفين تتركينة على جنب وبترجعين
من اول وجديد ..... حنى محتاجينننن اكل متواااازن لا رجيم ولا هم يحزنون
الأكل المتوازن و الصحي هو من نفسة خلقة بيخليك تنحفين من غير ما تحاولين ...
و الدكاترة نفسهم يقولون كذه وبنسبة لو انك فجأة تحولين كل اكلك صحي
حتى جسمك ما امداه يتعود السكر عندك بتحصل له حالة صدمة ومن ثم بترجعين
بشكل جنوني تدورين اي شي فيلة سكر وتاكلينة بشراهه بعد و هذا الشي انا بنفسي
جربتة .... علشان كذه لازم تبداين تخففين كمية السكر إلي تاكلينها دائما
كأن تاكلينها بين الوجبات كسناكز ومن ثم تبدأين تستبدلينا بفواكة ....
فكري دائما بطريقة تخليك تمشين عليها طول العمر بدون ما تحسين بأرهاق
موب طريقة مأقتة لأنها بتنتهي وبترجعين ....... هذي اول نقطة
2- كلنا نعرف ان الرياضة هي المفتاح علشان نحصل قوام رشيق . و الأغلب ما يستمرون فيها
لأنهم ما يحصلون على نتيجة سرعية زي ما يبون ... طيب وش رايكم لو قلت لكم في رياضات
معينة بتبين لكم النتيجة من اول اسبوع وبتلاحضون الفرق . بدون لا تقطعين عمرك ..
بوريك بعد شوي بعض الرياضات الممتازة بس اهم شي بالأول خوذي مقاساتك حق الخصر
و الأرداف ... و انا انصحكم بصراحة اول ما تبدين خذي قياساتك ومن بعدين ارجعي قيسي بعد اسبوعين
مو بعد اول اسبوع ... ليش ؟ انا اقولك علشان الأجسام تختلف في كمية الحرق علشان كذه
بعضهم ممكن يكون الفرق شي بسيط ما يوتضح فتتحطمون من اول اسبوع علشان كذه اتركي
فرصة اسبوعين علشان تلاحضين الفرق ......
3- طبعا هالرياضات تتنفذ خلال ثلاث ايام إلي هي : سبت و اثنين و اربعاء
A-اول شي اوقفي و فرقي رجولك عن بعض 3 انشــات او اربع وبعدين اوقفي على اصابع رجولك
عدي لمن اربعة و نزلي سوي هالحركة 10 مرات و بتحسين بحرق
B-ثانيا هالحركه :
هذي الحركة معروفة ارفعي رجولك 5-6 انشــات عن الرجول الثانية
و نزلي ثاني مرة ......سويه 10 مرات للرجول الوحدة ...
C-رابعا هذي :
هذي الحركة خاصة للجزء الداخلي من الارداف ووو معروف ترفعين الرجول إلي تحت
مقدار انش و إذا تقدرين اكثر يكون احسن بس انش عالاقل .... وصدقوني انش واحد بتلاحضون فرق
تعيدونه 10 مرات لكل رجول ....
D- الحركة الأخيرة خاصة بالخلفية الحلوة :
انسدحي على بطنك ارفعي رجولك وهي مستقيمة وعدي لمن 5 ونزلي بس اهم شي
لا تلمس اصابعك الأرض ...... عيدية 10 مرات لكل رجول ...
و اننتي على هالوضعية ارفعي راسك و كتوفك عن الأرض بحيث تحركين عضلات ظهرك ..
عدي لاربع وبعدين نزلي .... وعيدية 10 مرات ..
E- هذي خاصة لعضلات البطن :
انسدحي على ظهرك حطي ايدينك تحت بطنك و ارفعي رجولك زي ما هو بصورة بتجاة بطنك وبس
عيدية 10 مرات .......
F- و اخر شي هالحركة معروفة بعد لعضلات البطن :
إذا ما تبين تخلين يدك ورا رقبتك عادي خليها موازية لجسمك
4- بنسبة للأحد و الثلاثاء و الجمعه
سوي فيها كارديووو ... مثل الرقص صاير هالأيام شي معروف انه ينحف
و إذا عندك عيال وزحمة خل البزران يرقصون معك لمدة عشرين دقيقة لنص ساعه
وفي ممكن تمشين 10 دقايق دقيقة تركضين و الدقيقة إلي بعدها تمشين لين تخلصين العشر دقايق
هالحركة معروفة انها تنحف عالمدى البعيد وحدة من صديقاتي شفتها بعيني و انصدمت
ومن بعدها صرت اسوي زيها ..... لكني اطبقها عالدرج ...... شي بسيط و استمر عليه ولا احس فيه
افضل من الثقيل و ما اكمل اسبوع إلا و انا موقفتة ........
5- ويفضل تاكلين باليوم 3 تفاحات و فاصوليا الحمرا لأنة معروف ان فيها الياف كثير
و هالحركة تساعد بأنك تشبعين بسرعة وبتخفف من كمية الاكل إلي تستهلكينة باليوم ...
6- وكمان معروف يفضل اكل من 5-6 وجبات باليوم بكميات قليلة لأن كل اربع ساعات
لو جسمك ما لقى شي يحرقة بيبدا يخزن الأكل ...... علشان كذه في ناس ياكلون مرة قليل
ومع ذلك ما ينحفون ..... بالعكس يسمنون لأن جسمهم يخزن بدال لا يحرق ....
7- تجنبي اكل المطاعم او الفاست فود لأنة غالبا يعطونك كمية فوق إلي تحتاجينها
وبتالي بتتحسفين ترمينها او بيتهيألك و انتي تاكلينها ان الكمية مناسبة لك .....
وبس اتمنى اني افدتكم
انا اليوم حسيت بالذنب وقلت لااااازم ابحث عن طريقة لتنحيف الأرداف و الخلفية
فهذا إلي طلعت منه اليوم وحسيتة مفيد بصراحة وقلت انزلة لكم بعد نستفيد منه كلنا
ودعواتكم لنا جميعا بجنات النعيم