لأطفالك ولك شي ضروري

السلام عليكم ورحمة الله وبركاته


مرض السكر نشوف انه في زياده بين الأطفال والكبار
ونسمع فلان فجأه جاه السكر!

في أغلب الحالات هو ما جا فجأه
هو كان في مرحلة ماقبل السكر
الي هي مقاومة الأنسولين
سكر من النوع الثاني


المرض هذا محد ينتبهله لأن أعراضه
عاديه مثل العطش أو كثرة التبول الله يكرمكم.
والدوخه عند إرتفاع السكر أو هبوطه
نتعامل معها كأنها صداع نآخذ بندول دون ماندري
إنها بسبب السكر.


فترة مقاومة الأنسولين تمتد لعشر سنوات تقريبا
ثم بعدها تتحول لسكر من النوع الأول .

كيف نكتشفها؟
وكيف نتعامل معها؟
ووشي أصلا مقاومة الأنسولين؟

لما ناكل سكاكر أو نشويات
تروح للدم . يقوم البنكرياس
يفرز هرمون الأنسولين عشان
يودي هذي السكريات للخلايا
عشان تحرقها وتحولها إلى طاقه
ويتخلص الجسم منها.


الي يصير في حالة مقاومة الأنسولين
إن الخلايا تقاوم دخول السكر لها
يعني مقفله ماتفتح للأنسولين
فبالتالي يجلس البنكرياس يفرز الانسولين
بإستمرار لكن الخلايا مقفله ما تفتح
فيصسر إرتفاع في الأنسولين في الدم
ولو قاس الواحد بيلقا السكر مرتفع.

ليش طيب الخلايا مقفله وما تستقبل السكر
عشان تحرقه وتحوله لطاقه؟
لأن الخلايا خلاص تعبت امتلت سكر
معد تقدر تستقبل.
زي الكاس المليان..مستحيل يقبل أي إضافه.

فبالتالي يتعب البنكرياس من كثرة إفراز الأنسولين
لين يتعطل وخلاااص يصير الواحد يآخذ إبر أنسولين.

وش أسباب هذا المرض؟
أول شي كثرة أكل السكريات والنشويات
زي ماصاير مع أطفالنا
الشيبسات والككاوات والمشروبات الغازيه
والوجبات السريعه.
هذي العادات تعبت الخلايا والبنكرياس
وصار فيه خلل في الإرسال والإستقبال.

برضه السمنه والعامل الوراثي لها دور.


كيف نسوي عشان نتجنب هذا الشي

تحليل دم بسيط للتراكمي وللأنسولين بعد صيام
٨ ساعات.

لو طلع عندنا مقاومة أنسولين وش نسوي؟
تغير عاداتنا الغذائيه بالكامل.

ولاتخافين مارح يكون فيه حرمان من الشوكولاتات
فيه في الصيدليات والسوبرماركت وكل تموينات
كبيره شوكولاته وبسكوت مخصص لهذا الشي
تلقين مكتوب عليه زيرو سكر
يعني خالي من السكر المضاف.
فيه أشكال وأنواع
من الكوكيز والويفر وكل الأنواع.
وفيه ككاو زي السنيكرس والأشياء هذي
في الصيدليات.

المشروبات مليانه
آيستي زيرو بكل النكهات
والمشروبات الغازيه إذا لابد منها برضه متوفره
زي الكوكا والبيبسي .

الحركه..الرياضه بعد الوجبه بنص ساعه
مشي ربع ساعه على الأقل.

بذور الرشاد والشيا والكتان قبل الوجبه مع ملعقة زبادي.

الزبده اعتمديها في قلي البيض
البيض مهم جدًا.

كريمة الخفق مع الزبده إذا أضفتيها للمكرونه
أو أي نشويات زي الرز..تساعد في التقليل من السكر.

الخضروات بأنواعهاا.

وفحص كل ٣ شهور لين ربي يشفي
المريض ويخلصه من هذا الداء.

المهم اكتشافه لأنه محد ينتبهله للأسف
إلا بعد فوات الأوان.

ودمتم سالمين.
وآسفه للإطاله