ريم فيصل @rym_fysl
محررة
لأني احبكم , تعالوا اقول لكم كيف حملت ,, والله العظيم هذا هو السبب مافيه شي ثاني
بسم الله الرحمن الرحيم
السلام عليكم حبيباتي كيفكم ؟
انا قبل فتره كنت معاكم هنا بقسم تأخر الحمل والحمدلله الحين حملت وفي نهايه الثامن بعد فضل الله
..
بنات بقول لكم قصتي وربي يشهد علي ان اللي بقوله كله صدق
..
انا تزوجت ولا اخذت حبوب نهائيا ولا اي موانع ابدد
ولما عدت علي 7 شهور بدون حمل بديت اخاف ان يكون فيه مشكله بس ماوسوست قلت بصبر
ماراح اراجع عشان مايضيق صدري اخاف يصير فيني شي ,,
وبعد زواجي ب 9 شهور تقريبا تأخرت على الدوره يومين وانا من النوع اللي دورتي منتظمه مرررررره
ماشاءالله يعني لا تتقدم ولا تتأخر تجي دايم بنفس اليووم
فقلت بس اكيد حامل واروح انا وزوجي طيران ع المستشفى واسوي تحليل دم هرمووني
وقالوا النتيجه بعد ساعه
رجعنا بعد ساعه واخذنا النتيجه وانا اقول بنفسي اكيد حامل مايبي لها دورتي متأخره
بس للأسف صارت النتيجه سلبيه وتحطمممممممممممت وزوجي تحطم اكثر مني
استغربت من هالشي وقلت لازم اروح اسوي كشف على المبايض واعرف وش المشكله
وفعلا رحت وسويت اشعه تلفزيونيه وتحاليل بكل انواعها وماخليت شي ماسويته
وفي النهايه وبعد ماطلعت النتيجه قالت لي الدكتوره معليش انتي عندك ضعف شدييييييييييييييد في المبايض
وعلاجك راح ياخذ فتره طويله , حتى ممكن الحبوب ماتنفع لكن ماراح نبدا بالابر على طول
نصحتني اخذ كلوميد بس زوجي رفض قال خلاص اصبري وش يعجلنا نصبر شوي يمكن يكون كلامها غلط
عجزت وانا اقنع فيه بس كان راااافض تماما فكره المنشطات يقول مابيك تلعبين بهرموناتك
جتني الدوره بنفس الشهر اللي حللت فيه وطبعا تحطمت اكثر لأني كنت مأمله ان كلامها يكون غلط بس للأسف ..
وكنت طول هالفتره استغفر في اليوم فوق الالف مره يمكن , وقتي كله استغفار بنيه الحمل , والله ان الاستغفار صار جزء كبير من حياتي
الشهر اللي بعده جاء وقت الدوره وتأخرت علي يوم واحد بس ورحت لزوجي وقلت له ابي احلل ومارضى
قال لي وش بينفعك لو تحطمتي ؟
واصريت اني احلل وكان املي بالله كبيييييييييير ,
وهو طبعا مارضى وبالاخير قال لي روحي المستشفى انتي بلحالك وتحطمي لحالك :(
طبعا ماهمني كلامه ورحت وطلبت تحليل دم هرموني لأنه هو اللي يبين لك الحمل على طول بعد تأخر الدوره
وقالت لي النتيجه بعد نص ساعه
قسم بالله العظيم يابنات اني طول هالنص ساعه بس استغفر بنيه الحمل
استغفر من قلللللللللللللللب وادعي ربي بس كان الاستغفار اكثر
والله العظيم والله العظيم ان الممرضه جت غرفه الانتظار وانا على اعصاااابي
وكان فيها انا ووحده كبيييييييره بالسن ومعها خدامتها , وقالت المرضه مبروك حامل !!
انا جلست اطالع يميني يساري قلت مستحيل تكون تقصد الحرمه الكبيره بس يمكن تقصد الخدامه يمكن زوجها معها
ولا سويت اي رده فعل لأني خفت اعشم نفسي ع الفاضي
وقالت مدام ريم ؟
قلت : نعم !! قالت اقول لك مبروك حامل , انا ما ادري وش شعوري وقتها بس قسم بالله العظيم اني تذكرت على طول الايه : ( قلت استغفروا ربكم انه كان غفارا , يرسل السماء عليكم مدرارا , ويمددكم بأموال وبينين ويجعل لكم جنات ويجعل لكم انهارا )
وجلست ابكي واصيح من الفرحه مو مصدقه
يعني توني قبل شهر الدكتوره تقول لي مبايضك تعبااااانه وضعيفه وهالشهر اكون حامل !!
سبحاان الله , اذا اراد شيئا يقول له كن فيكوون
..
يابنات انا قلبي معكم لأني عشت نفس اللي عشتووه , يمكن الفتره اللي انا عشتها اقل من غيري بكثيييير
بس والله العظيم ان قلبي معكم ومانسيتكم ,,
حبيباتي صدقووني مافيه شي من الادويه وغيره بينفعك اذا ماكان املكم بالله كبير
الله سبحانه يقول : انا عند ظن عبدي بي ,,
احسنوا الظن بالله , وعليكم بالاستغفااااار , والله الذي لا اله الا هو اني ماجربت اي نوع من انواع المنشطات والحبوب بس كل اللي جربته اني اتجهت لربي ودعيته بحرقه قلب واستغفرته طول فترات يومي ,
وماخيب ظني رب العالمين
والله يابنات اني اتمنى ان قسم تأخر الحمل يتقفل , مو عن شي بس ودي كلكم تصيرون بقسم الحمل والولاده
جربوا الاستغفااار وداوموا عليه , مو تستغفرون يوم يومين والا شهرين وتقولون ماحملنا !!
لا يابنات واظبوا وداوموا وان شاءالله كل وحده فيكم بتبشرنا بحملها
..
حبيت انقل لكم قصتي مع الاستغفار واثبت لكم ان مافيه شي اسمه مستحيل مهما اكدوا لك اكبر اطباء العالم
,, ترى ربي اكبر منهم كلهم والقادر على كل شيء ,
طولت عليكم بس حبيت افيدكم لأني والله احبكم كلكم واتمنى لكم الحمل وحده وحده بدون استثناء
وفي الاخير :
أسأل الله العظيم رب العرش العظيم ان يرزق كل متأخره بالحمل السليم الثابت
وان يقر عينها برؤيه طفلا معافى كامل الخلق والخلقه
اللهم اميييييييييييييييييييييين
ولا تنسوني من دعواتكم
..
135
13K
يلزم عليك تسجيل الدخول أولًا لكتابة تعليق.
الله يتمم لك على خير ياقلبي ويعطيك ساعه طيبه ويقر عينك بشوفته ويرزقك بره.....وادعي حتى للي خلف الكواليس موبس للي هنا:22:
غلا_3000
•
ياااااااارب يتمم لك على خير
ويقر عييينك بشوووفت مولووودك وهو في احسن صووورة خلقا وخلقا
الله يجعلها من موااااازين حسنااااتك علا ذكرك لنا تجربتك مع رب العباااد الكريييم
ويقر عييينك بشوووفت مولووودك وهو في احسن صووورة خلقا وخلقا
الله يجعلها من موااااازين حسنااااتك علا ذكرك لنا تجربتك مع رب العباااد الكريييم
الصفحة الأخيرة
وانا اول وحده مقصره في الدعاء والاستغفار
الله يثبتنا وبهدينا قولو امين