عزيزتيmslme انتي قلت ان اخلاقه حسنه يعني في أمل كبير انه يتغير بس مو في يوم وليله ..
اولا الدعاء .. ادعيله دايم ان الله يهديه .. اذا كنت طالعه معه في السياره حطي شريط ديني وافضل انه يكون محاضره عن نعيم الجنه او عن اي موضوع وانتبهي لايكون الشريط عن الموت او عذاب القبر او شي من هالقبيل في البداية خلي الاشرطه فيها ترغيب وتشجيع على فعل الاعمال الصالحه وبعد فتره بسيطه حطي الاشرطه اللي تتكلم عن الموت وعذاب القبر...الخ
وطبعا مو من اول ماتركيبن السياره تحطينه لا .. اذا شفتيه شغل الراديو او المسجل طلعي الشريط وقولي ان وحده اهدتك اياه ودك تسمعينه معاه عشان كلكم تستفيدون وتاخذون الاجر او باي طريقه ثانيه حلوه ..

خلي دايم في الصاله او في المكان اللي يحب يجلس فيه كتاب صغير(كتيب) او كتابين .. او كتاب في الصاله وكتاب في المكان اللي يحب يجلس فيه .. يمكن يوم يكون طفشان ويشوف الكتاب ويقول لنفسه خل اتصفحه وبمجرد مايتصفحه يعجبه ويقراه ..
شغلي دايم سورة البقره بالبيت ..

ابتعدي عن المشاجرات وخلي ابتسامتك دايم على وجهك وعامليه احسن معامله وبعد ماتتغيرين بفتره افتحي له مواضيع دينيه وناقشيه فيها وخلال المناقشه خلي اعصابك هاديه والابتسامه ملازمتك وانصتي لكلامه وحاولي انك تبينين له وجهك نظرك بدون ماتقوليله انك غلط
اذا حسيتي في شي غلط قولي بس الله سبحانه وتعالى قال او الرسول صلى الله عليه وسلم قال واذكري الايه او الحديث اللي يثبت كلامك بدون ماتقولي غلط عليك ..
هذي بعض الاشياء اللي ممكن تسوينها وصدقيني مع الوقت هو راح يتغير بس الموضوع يبيله شوية صبر ..

عزيزتي الله يهديك خلقتي مشكله من لاشي
واتبعي كلام اختي اوراق الزمن انا ريي من رايها.
وتسلمين اختي اوراق الزمن على الكلام الحلو:24: :26:

ما شاء الله تبارك الله انت طماعة طماعة احمدي ربك وياليت غيره ربعه بس كان زين !!!!!وبعدين يمكن هو من الخجولين في دعوة الغير يمكن ويمكن يعني الاسباب كثيرة لا تكونين غيورة واحمدي الله عز وجل انه مستقيم بين الاف المعوجين واتقي الله في افتعال المشاكل ترى ياما ملتزمات تمنوا ملتزم لكن ما جاء نصيبهن الا مع العكس تماما ياترى لو كنت واحدة منهن ماذا كنت فاعلة ؟؟؟

الانسان مب كامل في هذه الدنيا
والريال الملتزم نادر ها الايام
يعني حصلتي على واحد يصوم ويصلي ويحمد ربه ويشكره
احسن من غيرج اللي ريلها والعياذ بالله يدوخ ويشرب ويزني
حكمه
حافظي على مجنونج حتى ما يجيج اجن منه

:24: :26:

أختي ، قال عليه الصلاة والسلام :
لأن يهدي بك الله رجلا واحدا خير لك من حمر النعم ..
فلماذا لا تكوني أنت سببا لهدايته ؟
ومادام رجل صالح فالحمد لله سيكون الأمر سهل معه
وأهم شيء أن تكوني له أنت قدوة في الطاعة والعبادة
فكثير من الزوجات بصلاحهن اهتدى أزواجهن
وعليك بالدعاء وخاصة في أوقات الإجابة ( ربنا هب لنا من أزواجنا وذرياتنا قرة أعين واجعلنا للمتقين إماما )
و( ربنا آتنا في الدنيا حسنة وفي الآخرة حسنة وقنا عذاب النار )
و : اللهم حبب اليه الإيمان وزينه في قلبه ن وكرّه اليه الكفر والفسوق والعصيان واجعله من الراشدين
وغيرها من الأدعية
ولا تياسي من رحمة الله فهذا ابتلاء ...

ومن النقط المهمة :
لا تكثري عليه من النصائح المباشرة حتى لا ينفر منك
بل بالترغيب والتذكير بطرق مناسبة

وكذلك أحسني تبعله حتى تزيد محبته لك وتصبحين عنده كالماء والهواء لا يستغني عنك
وبتحليك بالأخلاق الإسلامية معه ومع أهله حتى يشعر ويعلم أنك عند ما تقولين ...

وكلما تقربت الى الله تعالى ، ازداد تقرب زوجك لك ... وهذا أمر مشاهد ومحسوس ..

أسأل الله العظيم رب العرش العظيم أن يؤلف بين قلبيكما ويحميكما من شياطين الإنس والجن ..



-