لأهل الإختصاص ..حلبة ونعناع ! هل فيه ضرر؟

انا الحين بادية في مشروع (سمنه) وابدأ برنامجي اليومي بالحلبة!

على الريق ..اسوي حليب واحليه بعسل طبيعي واحط ملعقة حلبة محمصة ومطحونة(عشان ريحتها تروح)

بعد استخدامي لها لمدة يومين لاحظت ان الريحة خفيفة جدا !
لاحظت اني لما اشربها في الصباح تطلع الريحة قريب المغرب!!!وصرت على طول اقوم اتحمم
بس مو كل مرة تسلم الجرة بتجي علي ايام اكون فيها برى البيت وما ارجع الا آخر الليل ولازم ابذل مجهود! خفت من هذا الموضوع ممكن العطور تادي الغرض بس لما اكون في السوق كييييف!

تخيلو ا ايش سويت ؟

صرت أغلي مويا واصبها في كوب وبعدين احط فيها نعناع(عشان الريحة) واغطي الكوب عشر دقايق عشان النعناع ينقع زين وعشان المويا يبرد لدرجة الدفا بس عشان اقدر احط الحليب البودرة ويذوب بسهولة وعشان(العسل ماتروح فوايده...هذا اللي سمعته) وبعدين احط العسل والبودرة مع مغلي النعناع واحط ملعقة حلبة محمصة مطحونه(حافظتها في الثلاجة في برطمان عشان مايجيها السوس)
واخلطهم واشربها هذا عالريق (ترى طعمها مستساغ) لماأخذتها مع النعناع ولا كأني شاربه حلبة ويوم شربت الخلطة هاي جربت كيف ريحتها ..اتحممت اول اليوم بس و خلص اليوم وجا اللي بعده و ماحطيت عطور والله ولا ريحة طلعت !


وسؤالي
هل في طريقتي هذي ضرر من ناحية خلطي لهاذي المواد ومن ناحية طريقة الحفظ ومن ناحية تأثيرها على جسمي وهل صحيح النعناع يحرق الدهون اللي بالجسم ويأثر في عملية الهضم لأنو النعناع عادة ينشرب بعد الوحبه الدسمة!!!


ياليت الإفادة!