لأول مرة في حياتي يجيني هذا الإحساس والله العظيم

بنات ما أدري وش اقولكم .. اليوم وانا قاعدة مع عيالي الله يحفظهم لي جاني شي غريب والله فجأة جاتني رغبة قوية قوووووووية في حفظ كتاب الله كاملا .. والله استغربت ان فاتني ثلاثين سنة من عمري ولا فكرت او حاولت اني احفظ شي من كتاب الله .. وتمنيت من كل قلبي اني اقدر احفظه كله كااااااااااامل

وقمت زي المجنونة اجري




تعرفوا على ايش .؟؟؟؟





فيه عندي مطوية صغيييييييييييييرة ما ادري اذا تعرفوها فيها اذكار الصباح والمساء وفيها جدول ميسر لحفظ القرآن حسب الايات تكون المدة
ان شاء الله تكونوا عرفتوها المهم قمت رحت ادورها واطالع اقرب وقت لإتمام حفظ القرآن .. ياألله ياألله فيني أنا عن هذا الإحساس أقسم بالله باينات ما أدري كأني طايرة من الفرحة كأن قلبي يرجف ما أدري اش صار فيني

وعلى طول قمت فتحت القرآن وقعدت اقرأ اول أيات من سورة البقرة ..

ماأدري حسيت اني ابغى احافظ على هذي الفرحة وهذا الحماس قبل مايجيني كسل او يوسوس لي الشيطان اعوذ بالله من الشيطان الرجيم .. قمت وتروشت وتوضيت وصليت ركعتين صلاة الحاجة علشان أدعي فيها ان ربي ييسر لي حفظ القرآن الكريم في أسرع وقت وسألت الله ان يبعد عني وسواس الشيطان واني ما اتكاسل ولا امل من الحفظ والمتابعة ووالله يابنات ان جاني بكا وبكيت بأعلى صوتي ودعيت الله ان ربي يتمم عليا هذي الفرحة ويرزقني كما رزق اخواتي واخواني في الله اللي حفظوا كتابه

والحمد لله قمت مرتاااااااااااااااااحة وكأني اتولدت من جديد

بنات ادعوا لي الله يسعدكم ويرزقكم كل ما تتمنونه يارب ان ربي يحقق لي امنيتي واحفظ القرآن كااااااااملا على الوجه الذي يليق بعظمته تعالى

وبصراحة عندي استفسار بسيط : انا كتبت تجربتي لكم لأنكم ما تعرفوني وان شاء الله ما في الأمر شئ ... بس اذا انا قلت لزوجي او لأهلي اني ابغى احفظ القرآن هل في الأمر رياء او نفاق ؟؟ لأني ما ابغى اجري يروح لا قدر الله والله اني ابغى رضا رب العالمين بس نفسي افرح اللي حولي ويمكن اخلي اخواتي الصغار يحفظوا معايا ... او مثلا خليني ساكتة في البداية حتى احفظ سورة كاملة بعدين اقولهم والا اسكت مرة وحدة ...

جاوبوني يابنات على حسب حكم الشرع الله يعافيكم

وشكرا