لأي شخص تعب حياته وأقلق راحته القولون... ولكل وحده تبحث عن النعومه والجمال

السلام عليكم ورحمة الله
أخواتي اليوم جايبه لكم وصفة لعلاج القولون بإذن الله ... بعد معاناتي من القولون ست سنوات ... شفيت منه تماما بفضل الله ورحمته ...ولي سنه الآن وانا بصحه وعافيه من فضل الله

الوصفه

كاس شاي اخضر + ملعقة عسل أبيض عالريق
يشرب وهو دافي مايل للبرودة (غير حاااار)

اللي ما يحبون طعم الشاي الأخضر يحطون نعناع
فيه نوع من الشاي الاخضر بالنعناع طعمه جداً لذيذ لكن لا يوجد بالسعودية وهو اللي تعالجت فيه
والعسل الأبيض كذلك جبته من برى.
بس اتوقع بإذن الله إن أي عسل أبيض ينفع وأي نوع من الشاي الأخضر ينفع

ومن الأشياء اللي لاحظتها بعد شفائي من القولون ان بشرتي بدت ترجع لطبيعتها ... قبل كانت جافه ومشهبه جتى شعري كان باهت وجاف ... لان الامعاء ما كانت تقوم بدورها الصحيح في امتصاص العناصر الغذائية المفيدة. لكن الحين الحمد لله لي سنه وأنا بشرتي زي بشرة الطفل وشعري رجعت له لمعته و حياته.

المفروض هالوفه يستخدمونها كل الناس لأنها رائعه ... الله ينفع فيها .... ادعوا لي ...