ولأي وحده مقبلة ع الزواج من معدد نقول الله يوفقها ويسهل امرها ويرزقها خير هذا الزواج .... اما سالفة انكم تكرهون الحريم فيه غصب ليش هذا شرع الله ونصيبها ومكتوب لها من كانت في بطن امها وياكثر هالمواضيع اللي لاتودي ولاتجيب ولافيها فايدة ابد غير كلام مكرر ومستحيل ينتهي بخير الا ماتتهاوشون فيه كأنكم ضراير ...

اختي مانكرّه احد ..لكن اللي مو مضطره ولها خيارات
وان أقدمت لازم تكون عقلانيه اكثر
الزواج بالمعدد بالغالب واللي بزماننا هذا
إما ظالمه أو مظلومه ...والحياة تغيرت وصارت أصعب
وكثير اللي لو توفر عنده مبلغ حطه بزواجه وقعد بالإيجار ..ويعيل بيتين ..لايوفر الحياة الكريمه لاهنا ولاهنا
وان وفرها لهذي حرم هذيك ..ولعشان يحرمها يبدا يسوي مشاكل معها إما تتطلق او تلتزم الصمت وتنتظر الإنتقام
حياة المعدد لاتدخلها إلا مضطرة ..وعارفه حقوقها وحدودها
لاتظلم ولاتنظلم ..
الحياة قصيرة ماتحتمل الهم والذنوب

اول شي براءة الى الله من صور النساء الغُثـــاء اللي تُعرض في كل صفحة !


=========


ثاني شي ..
المشكله انك توقفتي بعد الزواج ..
والمشكله ان ثقتك بنفسك مبنيه على ان غيرك اقل منك !!
يعني اذا الاولى مبهذله ( انا سعيده ؟؟ ويازيني ؟؟ )
اذا هي امورها طيبه ، وانا اموري طيبه = الثقه صارت عندي صفر




الغير طبيعيه بين الضراير ، لكن الوحده تجعل محورها ضرتها مشكله !
الصواب انك تبنين نفسك وشخصيتك ، ماتكونين عطل بالحياة
على كذا ايمانك بالله يزيد.. و يزيد بقلبك الرضا والطمزنينه والقناعه ..لان الله متوليك وحياتك وقرارك.
على كذا ثقتك بنفسك تزيد .. لان عندك قدرات وابداعات وتجدد تنعكس عليك بشكل خاص ، ثم على حياتك بشكل عام وزوجك وبيتك
على كذا ماراح تحتاجين تراقبين ضرتك .. لان عندك فكرك الخاص ومبادئك وقيمك وامورك ماشيه !
وتتعلمين كيف تتعاملين مع امورك وظروفك




كل بنت تعاني ،، من جهه ..احب انصحها تتوجه لله وترفع ايمانها
لان هذا اهم شي ، مجرد مايزيد الايمان تنزل الدنيا ومن فيها من القلب وتعلو الاخره وذكر الرب
معد شي يكون له قوة هيمنه على حياتك ويكدرك ويعبث بمزاجك ..


ترين الامور بحجمها الحقيقي ، وفوقها يمن الله عليك بالرضا والقناعه والطمأنينه
كل مخاوفك تنجلي قدام عيونك ..


ثم .. مجرد ماتقوين علاقتك مع الله اللي بيده حياتك واخرتك ، وزوجك وضرتك وبيتك
تلقين ان الله يتولاك .. بتوفيقه يوجهك للخير والاحسن لحياتك من امور اخرتك ودنياك
ويتولى بيتك بعد .. وعلاقتك مع زوجك ..
مو هذا اللي يرضي كل ضره ؟؟؟


سبحانك اللهم وبحمدك اشهد ان لا اله الا انت استغفرك واتوب اليك

مافي شك ان الزواج اللي فيه غيرك تشارك رجلك فيه تعب !


بس اذا هذا قدرك، خلاص الحمدلله على كل حال عيشي حياتك على الوجه الاحسن


وكل مشاكلنا تنحل بالــ ( الإستقامـــــه ) ..
الشريعه جمعت لنا كل خير ، تماماً كل خير ، وفوق ذلك ماقالت لنا سويه لزوج ( ينسى ! ) او صاحبة ( تبدلك ! )
بل عبّدنا ربي فيه ، ونتعلم ونسويه لله ( ونذكره بالعمل لوجهه سبحانه = فيذكرنا ، ونعمل لاخرتنا = ويصلح لنا دنيا معها )


لاتضيعين عمرك نصيحه ياللي تقرين ردي ، امسكي مصحفك ، وان كنتي حاطه حيلك بشي
وجهدك وكفاحك ، فحطيه في استقامتك وصلاح نفسك


هذا اللي فيه فلاح اخرتك ، ورباح دنياك بكل جوانبها


والحمدلله رب العالمين والصلاة والسلام على رسول الله

لا اله الا الله للان باقي بنات يسألون عن المتعدد