لاأعلم هل هي حقوق أم مبالغه

السلام عليكم ورحمة الله وبركاته
هذي قصه ولاأعلم مدى صحتها لأنها رويت عن كذا حرمه وأكيد فيها ملح وبهارات
مساء الخير بنات فيه زوجه أولى زوجها يبغى الزواج بأخرى..زعلت الحرمه مثل باقي الحريم أصلا تقول ولاطرا على بالي أبدا لأن حياتهم مستقرره وتقريبا مثاليه..لكن الرجل مقتدر ويبغى يعدد..المهم فتح معاها الموضوع ومن الصدمه ماقالت ولاكلمه بس دمووع تنزل وهو يحاول يسهل الأمر وانتي الأولى والأساس ومن الخرابيط هذي..وهي ماترد عليه وقال لها اسيبك ترتاحين وأي شي تبغينه أنا مستعد أنفذه..تقول جلست في مكاني ساعتين ماقمت وتحس الدنيا تقفلت في وجهها والعالم صار صغيير ..وإن كل الناس صارو ضدها ..وبكت بكاء ماعمرها بكت مثله ونامت وبعدين قامت وغسلت وجهها وتوضت وصلت كم ركعه بثقل فضيييع ودعت إن الله يربط على قلبها ويفرج همها وكل هذا وهي عندها أمل إنه يرجع ويقول لها تراجعت وكنسلت الموضوع بس ماصار شي..المهم قعدت تفكر وتفكر وهو يطلع ويدخل والوناسه من ساسه إلى راسه..ويراقبها وهي صمت ماتتكلم إلا إذا تبغى شي من أولادها..طبعا عيالها حسو وخصوصا الكبيره..والباقين ملتفين حولها كل شوي يسألونها ماما اشبك..وهي تصد ماتبغاهم يشوفونها مكسوره..فكرت الحرمه ونادت الرجال وقالت له..أنا عشت معاك أحلى أيام عمري وكبرنا سوا وخلفنا الذريه الطيبه ان شاء الله وكل الدنيا ماتعوضني عنك شي..بس أنا عندي شروط..قلها سمي وآمري..قالت أبغى ٥٠ألف..وأبغاك تكتب لي شقه من العماره الإيجار بإسمي..وأبغاك تبني لي بيت مو شرط عماره أهم شي مسلح ومرتب وتكتبه بإسمي..وتستقدم لي شغاله..وتسفرني سفره حلوه أسبوعين وزوجتك لاأشوفها ولاتشوفني أرجوك..وبعدها الله يسعدك في حياتك الجديده
بنات بعيدا عن العاطفه تشوفونها بالغت وربي بيحاسبها ولا شي طبيعي إلي طلبته
واعفوني عن الردود