لااااااااااازم تتعشون عندي اليوم (( جلو كباب على الصاج)

السلام عليكم بنات وحريم شخباركم يا حبايبي الحلوين ..

من فتره ابي اتعلم الجلو كباب بس مافي طريقه سهله .. علشان تضبط لازم فحم واسياخ والمقادير المضبوطه ..
واليوم احترت شو اسوي .. فقلت في نفسي بطلع لحم مفروم وبنخترع لنا اكله .. المهم يبت نص كيلورلحم مفروم
وفرمت عليه حبة بصل فرم ناااااااعم جدا .. وبهرت اللحم بالفلفل الابيض والملح وتقريبا ثلاث ملاعق كبيره زبده لينه او دهن مثل ماتحبين بس هذي الحركه في حال اللحم المفروم اللي عندج مافيه دهن وايد .. وبعدين يا بنات اتردين تفرمين اللحم في المفرمه اكثر من مره لتنعم اشد تنعيم .. نعومه ما بعدها نعومه ..
بس يا بنات يا حلوين .. ورحت طلعت الصاج و سخنته .. وبعدين دهنته بشويه زبده طبعا .. وعلى الصاج ..

الحركه المهمه وايد .. هي انج اتيبين غطا مقوس اشوي .. اتشكلين اللحم المفروم على اي شكل تبين بالطول او نفس الهمبرغر اي طريقه .. وتحطينه على الصاج المدهون ولازم يكون ساخن .. اتخلين اللحم تتحمر من تحت واتخلينه يطلع الزيت اللي فيه .. اتحطين الغطا عليه واتخلينه ثلاث دقايق وبعدين تقلبينه عادي براحه ..
الحركه هذه اتخلي اللحم ينطبخ من الداخل واطلع السوائل اللي فيها وتترطب وبالتالي تتقلب بكل سهوله .. وبس تتحمر الوجه الثاني ..

صح شكله ما يقرب لجلو كباب بس طعمه وريحته الله تقريبا وصلت لنفس الريحه والطعم .. ومن داخل طري وايد اللحم ..
اتسوين معاه عيش بالزعفران .. وسلطه وروب ..

اخليكم مع الصور ..

سبحان الله وبحمده عدد خلقه ورضا نفسه وزنة عرشه